Luka 10:34 - ŊMALƐ KRƆŊKRƆŊ LƐ

³⁴ ni etee eŋɔɔ ni eyafɔse mu kɛ wain eshwie epilamɔi lɛ anɔ ni efimɔ nɔ, ni esaa ewo lɛ eta lɛ diɛŋtsɛ ekooloo lɛ nɔ ni ekɛ lɛ tee gbɔiatoohe ni eyakwɛ lɛ.

Ṅmãle̱ Kroṅkroṅ Le̱

³⁴ ni ete eṅõ eyafĩmo̱ epilamo̱i le̱ ano̱, ni efo̱se mũ ke̱ wein eſie no̱, ni esā ewóle̱ etá le̱dientše̱ ekolo le̱ no̱, ni eke̱le̱ te gbo̱iatōhe ni eyakwe̱le̱.

Luka 10:34 ပူးပေါင်းရင်းမြစ်များ

1 Mose 42:27

Be ni amɛshɛ shitoohe ko ni amɛteŋ mɔ kome fɛne ekotoku naa ni ebaahã eteji niyenii lɛ, ena eshika lɛ kã abele lɛ nɔ yɛ ekotoku lɛ mli,

Lalai 147:3

Lɛ etsaa mɛi ni tsuii ekumɔ lɛ, ni efimɔɔ amɛpilamɔi lɛ anɔ.

2 Mose 4:24

Amɛyashɛ shitoohe ko yɛ gbɛteŋ, ni Yehowa bahɛŋ Mose, ni eetao lɛ egbe.

Marko 14:8

Efee nɔ ni ebaanyɛ; etsɔ̃ hiɛ ebafɔ migbɔmɔtso lɛ mu eto mifuu.

Luka 10:33

Shi Samarianyo ko ni nyiɛ gbɛ lɛ nɔ bashɛ he ni eyɔɔ lɛ, ni be ni ena lɛ lɛ, emusuŋ tsɔ̃ lɛ yɛ ehe,

Luka 10:35

Ni enɔ jetsɛremɔ be ni eyaa lɛ, ejie denarioi enyɔ ehã gbɔiatoohetsɛ lɛ, ni ekɛɛ lɛ akɛ, ‘Kwɛmɔ lɛ jogbaŋŋ, ni nɔ fɛɛ nɔ ni ooosaa ofite lɛ, kɛ miku misɛɛ miba lɛ mawo bo nyɔmɔ.’

Luka 2:7

Ni efɔ binuu ni ji ekromɔbi lɛ, ni ekɛ mama bla ehe ni ekɛ lɛ ŋmɛ kooloi aniyenii anɔ mli, ejaakɛ amɛnaaa gbɛ yɛ gbɔiatoohe lɛ.

Romabii 12:20

No hewɔ lɛ, kɛji hɔ̃mɔ miiye ohenyɛlɔ lɛ, hã lɛ nii eye; kɛji kumai miiye lɛ lɛ, hã lɛ nu enu; ejaakɛ kɛ ofee nakai lɛ, obaabua ŋai kɛ la naa oshwie eyiteŋ.

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.