Luka 10:28 - ŊMALƐ KRƆŊKRƆŊ LƐ

²⁸ Ekɛɛ lɛ akɛ, “Bɔ ni oto he lɛ ja; feemɔ nakai, ni oyi aaana wala.”

Ṅmãle̱ Kroṅkroṅ Le̱

²⁸ Ši ekē̱le̱ ake̱: Bo̱ni oto he le̱ dša; femo̱ nakai, ni oyi aaná wala. 3 Mose 18,5. Mat 19,17.

Luka 10:28 ပူးပေါင်းရင်းမြစ်များ

Nehemia 9:29

Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Abe̱i 19:16

Mɔ ni yeɔ kitã lɛ nɔ lɛ, ebaa ewala yi; shi mɔ ni kwaa wiemɔ lɛ, eeegbo.

Ezekiel 20:11

Miwo amɛ mlai kɛ akpɔi lɛ, ni kɛ gbɔmɔ ye nɔ ni eyi aaana wala lɛ.

Ezekiel 20:13

“Shi Israel we lɛ tse mihiɛ atua yɛ ŋa lɛ nɔ; amɛbaaa amɛjeŋ yɛ mimlai lɛ anaa, shi moŋ amɛkwa mikpɔi ni kɛ gbɔmɔ ye nɔ ni eyi aaana wala lɛ; ni amɛbule mihejɔɔmɔ gbii lɛ hu naakpa. No hewɔ lɛ, mito miyiŋ akɛ mikɛ mimlila aaaplene amɛ yɛ ŋa lɛ nɔ kwrakwra.

Ezekiel 20:21

“Shi nyɛbii lɛ hu tse mihiɛ atua; amɛbaaa amɛjeŋ yɛ mlai lɛ anaa, ni amɛyeee mikpɔi lɛ anɔ pɛpɛɛpɛ; mlai ni kɛji gbɔmɔ ye nɔ ni eyi aaana wala lɛ; amɛbule mihejɔɔmɔ gbii lɛ hu. Kɛkɛ ni mito miyiŋ akɛ mafee amɛ efɔŋ yɛ mimlifu kɛ mimlila naa yɛ ŋa lɛ nɔ,

3 Mose 18:5

Nyɛyea migbɛjianɔtoi kɛ mimlai lɛ anɔ; nɔ ni kɛji gbɔmɔ ye nɔ ni enaa wala lɛ. Mi ji Yehowa.

Mateo 19:17

Ni ekɛɛ lɛ akɛ, “Mɛɛba obiɔ mi nɔ kpakpa he sane? Mɔ kome yɔɔ ni ji mɔ kpakpa [lɛ ji Nyɔŋmɔ]. Shi kɛji ootao akɛ obote wala mli lɛ, ye kitãi lɛ anɔ.”

Marko 12:34

Ni be ni Yesu na akɛ eto he yɛ nilee naa lɛ, ekɛɛ lɛ akɛ, “Okɛ Nyɔŋmɔ Maŋtsɛyeli lɛ teŋ jekɛɛɛ.” Ni mɔ ko mɔ ko ekaaa lɛ sane ko bimɔ dɔŋŋ.

Luka 7:43

Ni Simon to he ekɛɛ, “Misusuɔ akɛ, mɔ ni ekɛ pii ke lɛ.” Ni ekɛɛ lɛ akɛ, “Obu atɛŋ jogbaŋŋ.”

Romabii 10:4

Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

Romabii 7:10

shi mi lɛ migbo; ni mina akɛ kitã lɛ ni akɛhã mi yɛ wala hewɔ lɛ, no nɔŋŋ etsɛ gbele ehã mi.

Galatabii 3:12

shi Mla lɛ, jeee hemɔkɛyeli sane ni, shi moŋ “Mɔ ni yeɔ nɔ lɛ yi aaana wala yɛ mli.”

5 Mose 6:24

Ni Yehowa, wɔNyɔŋmɔ lɛ, wo wɔ kitã akɛ wɔye nɛkɛ akpɔi nɛɛ fɛɛ nɔ, ni wɔshe lɛ gbeyei bɔ ni afee ni ahi ahã wɔ daa nɛɛ, koni wɔyi ana wala tamɔ bɔ ni eyɔɔ ŋmɛnɛ nɛɛ lɛ.