Luka 10:16 - ŊMALƐ KRƆŊKRƆŊ LƐ

¹⁶ “Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Ṅmãle̱ Kroṅkroṅ Le̱

¹⁶ Moni boo̱nye toi le̱, mi toi eboo̱ le̱; ni moni kwaänye le̱, mi ekwaä le̱; ni moni kwaämi le̱, moni tšũmi le̱ ekwaä le̱. Mat 10,40.

Luka 10:16 ပူးပေါင်းရင်းမြစ်များ

2 Mose 16:7

Leebi lɛ nyɛaana Yehowa anunyam lɛ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, ejaakɛ wɔ lɛ namɛi ji wɔ ni nyɛwieɔ huhuuhu nyɛshiɔ wɔ?”

2 Mose 16:8

Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

4 Mose 14:11

Yehowa kɛɛ Mose akɛ, “Mɛɛ beyinɔ nɔŋŋ maŋ nɛɛ aaakwa mi kɛyashi? Mɛni shwɛɔ dɔŋŋ dani amɛaahe minɔ amɛye yɛ nibii fɛɛ ni mifee mikɛto amɛ okadii lɛ asɛɛ?

4 Mose 14:2

ni amɛwie huhuuhu amɛshi Mose kɛ Aaron, ni amɛkɛɛ akɛ, “Wɔgboi moŋ yɛ Ijipt shikpɔŋ lɛ nɔ, loo yɛ shiaŋa lɛ nɔ po kulɛ bɛ ehi?

4 Mose 16:11

Naa, kpee ni bo kɛ osafo lɛ bakpe nɛɛ lɛ, Yehowa he nyɛkpe nyɛwo lɛ, ni huhuuhu ni nyɛwieɔ nyɛshiɔ Aaron lɛ, Yehowa moŋ nyɛwieɔ nyɛshiɔ lɛ.”

Mateo 10:40

“Mɔ ni hereɔ nyɛ lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ.

Mateo 18:5

Ni mɔ fɛɛ mɔ ni hereɔ gbekɛ fioo kome ni tamɔ mɔ nɛ yɛ migbɛi mli lɛ, ehereɔ mi.

Marko 9:37

“Mɔ fɛɛ mɔ ni hereɔ gbekɛbii ni tamɔ mɛnɛɛmɛi ateŋ mɔ kome yɛ migbɛi mli lɛ, ehereɔ mi; ni mɔ ni hereɔ mi lɛ, jeee mi ehereɔ, shi moŋ mɔ ni tsu mi lɛ!”

Luka 9:48

ni ekɛɛ amɛ akɛ, “Mɔ fɛɛ mɔ ni hereɔ gbekɛ fioo nɛɛ yɛ migbɛi mli lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ; ejaakɛ mɔ ni ji bibioo yɛ nyɛ fɛɛ nyɛteŋ lɛ, lɛ ji agbo fe fɛɛ.”

Yohane 12:44

Shi Yesu bo ekɛɛ akɛ, “Mɔ ni heɔ minɔ yeɔ lɛ, jeee mi minɔ eheɔ eyeɔ lɛ, shi moŋ mɔ ni tsu mi lɛ;

Yohane 12:48

Mɔ ni kwaa mi ni emɔɔɔ miwiemɔi lɛ amli lɛ, eyɛ mɔ ko ni kojoɔ lɛ. Wiemɔ ni miwie lɛ, no nɔŋŋ aaakojo lɛ yɛ naagbee gbi lɛ nɔ.

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Bɔfoi 5:4

Ani be ni eyɔɔ lɛ, jeee bo onɔ ni? Ni be ni ohɔ̃ɔ hu lɛ, shika lɛ jee bo diɛŋtsɛ onɔ ni? Mɛɛba oto nɛkɛ yiŋ? Jeee gbɔmɛi omale otsɔ̃ɔ nɛɛ, shi Nyɔŋmɔ moŋ.”

Galatabii 4:14

ni nɔ ni ji naatsɔ̃ɔmɔ hã nyɛ yɛ mli lɛ, nyɛgbeee he guɔ ni asaŋ nyɛnyaŋeee; shi moŋ nyɛhere mi tamɔ Nyɔŋmɔ bɔfo, tamɔ Kristo Yesu diɛŋtsɛ.

1 Tesalonikabii 4:8

Hewɔ lɛ agbɛnɛ, mɔ ni kwaa tsɔ̃ɔmɔ nɛɛ lɛ, jeee gbɔmɔ ko ekwaa, shi moŋ Nyɔŋmɔ ni kɛ eMumɔ Krɔŋkrɔŋ lɛ hãa nyɛ lɛ.