Luka 10:15 - ŊMALƐ KRƆŊKRƆŊ LƐ

¹⁵ Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee!

Ṅmãle̱ Kroṅkroṅ Le̱

¹⁵ Ni bo Kapernaum ní áwó ono̱ ke̱-te ṅwei le̱, aabao ši ke̱-ate gbohĩĩadše tō̃!

Luka 10:15 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

Yesaia 5:14

No hewɔ lɛ, gbohiiaje elɛɛ esɛŋ, ni egbɛ edaaŋ hatoo fe nine kɛmiimɛ Yerusalɛm lumɛi lɛ kɛ esafo yuu lɛ kɛ mɛi ni feɔ hoo lɛ kɛ mɛi ni mli filiɔ amɛ lɛ koni emi amɛ.

Yeremia 51:53

Kɛ Babilon kwɔ kɛtee ŋwɛi tamɔ mɛ, ni kɛ ewaje emɔji lɛ akɛ mɛ, kɛ̃lɛ mibawo mɛi gbɛ kɛyakpãtã ehiɛ. Mi, Yehowa, mikɛɛ.”

Ezekiel 26:20

no ni manyɛ onɔ koni okɛ mɛi ni kpelekeɔ shi kɛyaa gbohiiaje lɛ ayafata blemabii ni yɔɔ jɛi momo lɛ ahe. Maha bo kɛ mɛi ni kpelekeɔ shi kɛyaa gbohiiaje lɛ ahi shi yɛ gbohiiaje yɛ naanɔ amaŋfɔ̃i lɛ amli, bɔ ni afee ni mɔ ko akahi omli dɔŋŋ, aloo ona gbɛhe ko yɛ hiɛkãalɔi ashikpɔŋ lɛ nɔ hu.

Ezekiel 31:18

“Belɛ yɛ anunyam kɛ agbojee gbɛfaŋ lɛ, namɔ po otamɔ yɛ Eden tsei lɛ ateŋ? Aaatoo bo kɛ Eden tsei krokomɛi lɛ, ni akɛ nyɛ baawo gbohiiaje; ni oookã foolɔi kɛ mɛi ni enyɔnyɔɔ yɛ klante naa lɛ ateŋ. Bɔ ni Farao kɛ emaŋbii lɛ fɛɛ anaagbee baatamɔ nɛ.” Nuŋtsɔ Nyɔŋmɔ kɛɛ.

Ezekiel 32:18

“Gbɔmɔ Adesa, fo Ijipt kɛ emaŋbii babaoo lɛ, mɛi ni abaatsirɛ amɛ kɛ maji wuji abiyei lɛ hu awo gbohiiaje kɛyafata mɛi ni etee gbohiiaje momo lɛ ahe lɛ.

Ezekiel 32:20

Ijiptbii lɛ baafata mɛi ni baanyɔnyɔi yɛ klante naa lɛ ahe, ni aaafu emɛi babaoo lɛ afata ehe.

Ezekiel 32:27

“Amɛ lɛ, afuuu amɛ tamɔ afu blema kãkãlɔi lɛ, mɛi ni kpeleke shi kɛtee gbohiiaje kɛ amɛtawuunii lɛ; mɛi ni ahã amɛtsɔle amɛtawuu klantei, ni akɛ amɛtsɛŋi eshwie amɛnɔ lɛ. Ejaakɛ kãkãlɔi nɛɛ ehã ŋmiŋmi emɔmɔ mɛi yɛ hiɛkãalɔi ashikpɔŋ lɛ nɔ pɛŋ.

Obadia 1:4

Kɛji oyato oshihilɛhe yɛ ŋwɛi shɔŋŋ tamɔ okropɔŋ tsu, ni shihilɛhe lɛ hɔ ŋulamii ateŋ tete, kɛ̃lɛ majie bo yɛ jɛi kɛyi shi.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 11:23

Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee; ejaakɛ hewalɛ nitsumɔi ni atsu yɛ omli lɛ, eji atsu yɛ Sodom kulɛ ema shi kɛbashi ŋmɛnɛ.

Mateo 4:13

Ehiii shi yɛ Nazaret shi moŋ ebahi Kapernaum maŋ ko ni kã ŋshɔ naa, yɛ Zebulon kɛ Naftali niiaŋ,

Luka 13:28

Jɛi yaafo kɛ nyanyɔji ashishikpemɔ aaahi, be ni nyɛaana Abraham kɛ Isak kɛ Yakob kɛ gbalɔi lɛ fɛɛ yɛ Nyɔŋmɔ Maŋtsɛyeli lɛ mli, ni nyɛ diɛŋtsɛ lɛ, ashwie nyɛ kɛje kpo lɛ.

Luka 16:23

Ni be ni eyɔɔ hejaramɔi amli yɛ gbohiiaje ni eyaawo ehiɛ nɔ lɛ, ena Abraham yɛ shɔŋŋ, kɛ Lazaro ni hɔ emlishi.

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,