Luka 1:78 - ŊMALƐ KRƆŊKRƆŊ LƐ

⁷⁸ ni jɛ wɔNyɔŋmɔ lɛ mɔbɔnalɛ ni hãa emusuŋ tsɔ̃ɔ lɛ lɛ mli. No hewɔ ni jetsɛremɔ ni jɛ ŋwɛi lɛ ebasara wɔ lɛ.

Ṅmãle̱ Kroṅkroṅ Le̱

⁷⁸ ye̱ wo̱-Nyoṅmo̱ le̱ mo̱bo̱nale̱ ní hãa emũsũṅ tšõo̱le̱ le̱ nā noni hã dšetše̱remo̱ ní dše̱ ṅwei le̱ ebasrawo̱ ne̱, 4 Mose 24,17. Ies. 60,1. 2. Mal. 3,20.

Luka 1:78 ပူးပေါင်းရင်းမြစ်များ

Lalai 25:6

Oo Yehowa, kaimɔ omɔbɔnalɛ kɛ omlihilɛ ni sɛɛ efooo lɛ, ejaakɛ amɛyɛ kɛjɛ blema beebe.

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yesaia 63:15

Yehowa, maa oyi shi kɛjɛ ŋwɛi koni ojɛ ohe krɔŋkrɔŋ kɛ onunyam shihilɛhe lɛ okwɛ! Nɛgbɛ ohiɛdɔɔ kɛ ohewalɛ nitsumɔi lɛ yɔɔ? Otsuiŋshãlɛ kɛ omusuŋtsɔlɛ babaoo lɛ eŋmɛɛ wɔ.

Yesaia 63:7

Mibagba Yehowa mlihilɛ lɛ kɛ Yehowa yijiemɔ lɛ matsɔ̃ɔ, yɛ nibii fɛɛ ni Yehowa efee eha wɔ lɛ kɛ ejurɔ pii ni efee Israel we lɛ yɛ emusuŋtsɔlɛ kɛ emlihilɛ ni fa lɛ naa lɛ hewɔ.

Zakaria 3:8

Agbɛnɛ, bo osɔfonukpa Yoshua, bo toi, bo kɛ onanemɛi osɔfoi krokomɛi ni yɔɔ oshishi lɛ fɛɛ. Mɛi nɛɛ ji shade ni baaba lɛ he okadi lɛ. Naa, mibawo mitsulɔ, ni atsɛɔ lɛ Tsonine, gbɛ kɛba.

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

4 Mose 24:17

Miina Israel, shi jeee bɔ ni eyɔɔ lɛ minaa lɛ, shi eyɛ shɔŋŋ. Ŋulami ko baaje yɛ Yakob, Maŋtsɛ tso ko baate shi yɛ Israel, ni ebaatswia Moab hiɛnaanɔbii lɛ anii, ni ebaaye Set shwiei lɛ fɛɛ anɔ kunim.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Filipibii 1:8

Bɔ ni mikɛ Yesu Kristo mlitsɔlɛ lɛ shweɔ nyɛ fɛɛ lɛ, Nyɔŋmɔ ji midasefonyo.

Filipibii 2:1

No hewɔ lɛ, kɛ Kristo mli hewalɛwoo ko yɛ, kɛ suɔmɔ miishɛjemɔ ko yɛ, kɛ mumɔŋ naanyobɔɔ ko yɛ, kɛ musuŋtsɔlɛ kɛ mɔbɔnalɛ ko yɛ lɛ,

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

2 Petro 1:19

Ni ama gbalɛ wiemɔ lɛ nɔ mi ahã wɔ fe tsutsu lɛ, ni kɛji nyɛkɛ nyɛjwɛŋmɔ fɔ̃ no nɔ akɛ là ni tsoɔ yɛ he ko ni woɔ duŋ kɛyashi beyinɔ ni je aaatsɛre ni tooloo lɛ aaate shi yɛ nyɛtsuii amli lɛ, no lɛ nyɛmiifee jogbaŋŋ.

1 Yohane 3:17

Shi mɔ ni yɔɔ je nɛɛ mli nii, ni enaa akɛ efi enyɛmi, ni emli joɔ yɛ enɔ lɛ, te aaafee tɛŋŋ ni Nyɔŋmɔ suɔmɔ lɛ aaahi emliŋ?

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”