Luka 1:70 - ŊMALƐ KRƆŊKRƆŊ LƐ

⁷⁰ Tamɔ bɔ ni etsɔ̃ egbalɔi krɔŋkrɔŋi ni yɔɔ kɛjɛ blema beebe lɛ anɔ ewie lɛ;

Ṅmãle̱ Kroṅkroṅ Le̱

⁷⁰ take̱ bo̱ni ewie ye̱ egbalo̱i kroṅkroṅi ní yo̱ ke̱-dše̱ blema bēbe le̱ anā le̱;

Luka 1:70 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

2 Samuel 23:2

Yehowa mumɔ lɛ tsɔɔ minɔ ewieɔ; ewiemɔ kã mililɛi nɔ.

Yeremia 23:5

“Mi, Yehowa, miikɛɛ akɛ, naa be ko miiba ni matee maŋtsɛ jalɛ saneyelɔ ko shi ni jɛ David mli. Ebaaye maŋtsɛ yɛ nilee naa, ni ebaakojo jalɛ naa ni ebaaye jalɛ sane yɛ shikpɔŋ lɛ fɛɛ nɔ.

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Marko 12:36

Ejaakɛ David diɛŋtsɛ kɛɛ yɛ Mumɔ Krɔŋkrɔŋ lɛ naa akɛ, ‘Nuŋtsɔ lɛ kɛɛ miNuŋtsɔ lɛ akɛ, ta mininejurɔ nɔ, kɛyashi beyinɔ ni maŋɔ ohenyɛlɔi mafee onaneshi maaŋoo.’

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Bɔfoi 28:25

Ni akɛni amɛyakpãaa gbee hewɔ lɛ, amɛyiŋ amɛtee be ni Paulo wie wiemɔ nɛɛ, “Ojogbaŋŋ ni Mumɔ Krɔŋkrɔŋ lɛ kɛ wɔtsɛmɛi lɛ wie yɛ gbalɔ Yesaia naa

Romabii 1:2

Sanekpakpa nɛɛ Nyɔŋmɔ ewo he shi eto momo yɛ egbalɔi lɛ anaa yɛ Ŋmalɛi Krɔŋkrɔŋi lɛ amli,

Hebribii 3:7

Hewɔ lɛ, tamɔ bɔ ni Mumɔ Krɔŋkrɔŋ lɛ kɛɛ lɛ, “Ŋmɛnɛ, kɛji nyɛnu egbee lɛ,

1 Petro 1:12

Ni ajie atsɔ̃ɔ amɛ akɛ, jeee amɛ diɛŋtsɛ amɛhewɔ, shi moŋ nyɛhewɔ ni amɛsɔ̃mɔ yɛ nɛkɛ nii nɛɛ ahe, nii ni agbɛnɛ mɛi ni jaje Sanekpakpa lɛ tsɔ̃ɔ nyɛ yɛ Mumɔ Krɔŋkrɔŋ ni atsu kɛjɛ ŋwɛi lɛ mli lɛ eshiɛ etsɔ̃ɔ nyɛ lɛ, ni ŋwɛi bɔfoi tete shweɔ akɛ amɛaana mli lɛ.

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.