Luka 1:6 - ŊMALƐ KRƆŊKRƆŊ LƐ

⁶ Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Ṅmãle̱ Kroṅkroṅ Le̱

⁶ Ni ame̱yi enyo̱ le̱ fẽ le̱, dšalo̱i dšiame̱ ye̱ Nyoṅmo̱ hĩe, ni ame̱yeo̱ Nuṅtšo̱ le̱ kitãi ke̱ ekpo̱i le̱ fẽ no̱ ni kpa ko be̱ ame̱he.

Luka 1:6 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

1 Mose 7:1

Kɛkɛ ni Yehowa kɛɛ Noa akɛ, “Bo kɛ owe lɛ fɛɛ nyɛbotea adeka lɛ mli ejaakɛ bo ji mɔ ni mina akɛ jalɔ yɛ mihiɛ yɛ yinɔ nɛɛ mli.

1 Maŋtsɛmɛi 15:5

Yehowa fee enɛ, ejaakɛ David fee nɔ ni sa Yehowa hiɛ, ni egbaaa afã yɛ kitãi ni ewo lɛ lɛ eko eko he ewala gbii abɔ fɛɛ, akɛ ja yɛ Uria, Hitnyo lɛ, sane lɛ mli pɛ.

1 Maŋtsɛmɛi 9:4

Shi bo lɛ, kɛji oooba ojeŋ jogbaŋŋ tamɔ bɔ ni otsɛ David fee yɛ tsuijurɔ kɛ jalɛ mli, ni oooye mlai kɛ mikpɔi kɛ mikitãi ni miwo bo lɛ anɔ pɛpɛɛpɛ lɛ,

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

2 Kronika 17:4

Eja etsɛ Nyɔŋmɔ lɛ, ni eye ekitãi lɛ anɔ; ni eyabaaa ejeŋ tamɔ Israel maŋtsɛmɛi lɛ fee lɛ.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 1:8

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ ni eji nuu anɔkwafo ni sheɔ Nyɔŋmɔ gbeyei, ni ewiɔ ehe yɛ efɔŋ he, ni shwamɔ ko bɛ ehe, ni efeɔ nɔ ni ja?”

Hiob 9:2

Mile lɛɛlɛŋ akɛ nakai ji sane lɛ, shi te aaafee tɛŋŋ ni adesa aja yɛ Nyɔŋmɔ hiɛŋ?

Lalai 119:6

Kɛji mikɛ okitãi lɛ fɛɛ eto mihiɛ lɛ, no lɛ mihiɛ eshwieŋ shi.

Luka 1:7

Shi amɛbɛ bi, ejaakɛ Elizabet lɛ kene ni, ni amɛyi enyɔ lɛ fɛɛ amɛdara.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Luka 2:25

Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Bɔfoi 2:25

Ejaakɛ David wie yɛ ehe ekɛɛ, ‘Minaa Nuŋtsɔ lɛ yɛ mihiɛ daa, ejaakɛ eyɛ mininejurɔ nɔ, koni mikadidãa.

Bɔfoi 23:1

Ni Paulo tɛje ehiɛ ekwɛ akwaashɔŋ lɛ hiɛ kɛkpe ni ekɛɛ, “Ataamɛi kɛ anyɛmimɛi! Mi lɛ, henilee kpakpa sɔŋŋ mikɛba mijeŋ yɛ Nyɔŋmɔ hiɛ kɛbashi ŋmɛnɛ gbi nɛɛ.”

Bɔfoi 24:16

Enɛ hewɔ mikɛ mihe efɔ̃ɔɔ shi lɛ, bɔ ni afee ni mana henilee ni sɔ̃ ko wulaaa lɛ yɛ Nyɔŋmɔ kɛ gbɔmɛi ahiɛ yɛ nibii fɛɛ amli.

Bɔfoi 8:21

Obɛ gbɛnaa loo gbɛfaŋ nɔ ko yɛ nɛkɛ sane nɛɛ mli; ejaakɛ otsui ejaaa yɛ Nyɔŋmɔ hiɛ.

Romabii 8:4

koni afee Mla lɛ taomɔnii ni ja lɛ yɛ wɔmli, wɔ mɛi ni wɔnyiɛɛɛ heloo naa, shi moŋ mumɔ naa wɔnyiɛɔ lɛ.

1 Korintobii 11:2

Shi, anyɛmimɛi, miijie nyɛyi akɛ nyɛkaiɔ mi yɛ nibii fɛɛ mli, ni nyɛhiɛ tsɔ̃ɔmɔi ni mikɛhã nyɛ lɛ mli bɔ pɛ ni mikɛhã nyɛ lɛ.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

5 Mose 5:33

Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

Filipibii 2:15

koni nyɛhe akahi shwamɔ, ni nyɛfee mɛi krɔŋŋ, Nyɔŋmɔ bii ni he bɛ kpa ko yɛ yinɔ kɔɔdɔŋ ni bɛ eŋɛlɛnɔ nɛɛ mli, mɛi ateŋ ni nyɛtsoɔ tamɔ kanei yɛ je nɛɛŋ lɛ.

Kolosebii 1:22

Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

1 Tesalonikabii 3:13

Bɔ ni afee ni ehã nyɛtsui afi shi ni shwamɔ ko akahi nyɛhe yɛ krɔŋkrɔŋfeemɔ mli, yɛ Nyɔŋmɔ ni ji wɔTsɛ lɛ hiɛ, yɛ wɔNuŋtsɔ Yesu Kristo kɛ emɛi krɔŋkrɔŋi lɛ fɛɛ abaa be lɛ mli.

2 Petro 3:14

No hewɔ lɛ, suɔmɔmɛi, akɛni nyɛkwɛɔ nii nɛɛ agbɛ nɛɛ, nyɛbɔa mɔdɛŋ koni ana nyɛ ni muji loo kpa ko bɛ nyɛhe yɛ ehiɛ yɛ hejɔlɛ mli;

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

1 Yohane 2:3

Ni kɛ wɔyeɔ Nyɔŋmɔ kitãi lɛ anɔ lɛ, no wɔkɛnaa akɛ wɔle lɛ.

1 Yohane 3:7

Bii bibii, nyɛkahãa mɔ ko miihã nyɛdu gbɛ. Mɔ ni tsuɔ jalɛnii lɛ, jalɔ ji lɛ, tamɔ bɔ ni lɛ hu eji jalɔ lɛ.