Luka 1:49 - ŊMALƐ KRƆŊKRƆŊ LƐ

⁴⁹ ejaakɛ Ofe lɛ efee nii wuji ehã mi; ni krɔŋkrɔŋ ji egbɛi lɛ.

Ṅmãle̱ Kroṅkroṅ Le̱

⁴⁹ edšake̱ Ofe le̱ éfe nii wudši éhãmi; ni kroṅkroṅ dši egbe̱i le̱,

Luka 1:49 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 24:8

Namɔ ji anunyam maŋtsɛ nɛɛ? Lɛ ji Yehowa, hewalɔ kɛ kãkãlɔ lɛ. Lɛ ji Yehowa, ta mli kunimyelɔ lɛ.

Lalai 99:3

Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

Lalai 99:9

Nyɛkafoa Yehowa, wɔNyɔŋmɔ lɛ! Nyɛjaa yɛ egɔŋ krɔŋkrɔŋ lɛ nɔ, ejaakɛ Yehowa, wɔNyɔŋmɔ lɛ, ehe tse krɔŋkrɔŋ.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

Yesaia 1:24

No hewɔ lɛ, nɔ ni Nuŋtsɔ Yehowa, Taiatsɛ, Israel Ofe Koome lɛ kɛɔ nɛ, “Mikɛ mimlifu lɛ baashãkã mihenyɛlɔi anɔ, ni mibatɔ mihe owele yɛ nyɛ, mihenyɛlɔi lɛ, anɔ.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yesaia 63:1

Namɔ ji mɔ ni jɛ Bozra, maŋ ni yɔɔ Edom lɛ, baa nɛɛ? Namɔ nɛ, ni ewula kɛ atade ni tsuɔ faa, ni etsĩaa yɛ ehewalɛ kpeteŋkple lɛ mli nɛɛ? Yehowa kɛɛ akɛ, “Mi Yehowa ni; mɔ ni wieɔ yɛ jalɛ mli, mɔ ni yɔɔ hewalɛ ni ekɛhereɔ yiwala lɛ.”

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

Yeremia 20:11

Shi Yehowa kɛ mi yɛ eji kãkãlɔ ni asheɔ lɛ gbeyei. No hewɔ lɛ, miyiwalɔi lɛ baatɛrɛ; amɛhiɛ baagbo kpɔtɔkpɔtɔɔ, ejaakɛ amɛyeŋ minɔ kunim. Amɛhiɛgbele lɛ, hiɛ kpaŋ nɔ kɛmiiya naanɔ tɔ̃ɔ.

Marko 5:13

Ni eŋmɛ amɛ gbɛ. Mumɔi fɔ̃ji lɛ je nuu lɛ mli, ni amɛyabote kplotoi lɛ amli. Ni kuu muu lɛ fɛɛ — aaafee akpei enyɔ — wo foi kɛjɛ gɔŋ lɛ nɔ kɛkpeleke shi kɛyashwie ŋshɔ lɛ mli, ni amɛgboi yɛ jɛi.

Luka 1:48

akɛ ebakwɛ mi eweyoo ni ji humi lɛ. Ejaakɛ naa, kɛjɛ ŋmɛnɛ gbi nɛɛ nɔ lɛ, yinɔi lɛ fɛɛ aaabu mi akɛ mɔ ni ajɔɔ lɛ;

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.