Luka 1:15 - ŊMALƐ KRƆŊKRƆŊ LƐ

¹⁵ Ejaakɛ eeetsɔ̃ agbo yɛ Nuŋtsɔ lɛ hiɛ. Ni enuŋ wain loo dãa ni wa ko, Ni Mumɔ Krɔŋkrɔŋ aaayi lɛ obɔ̃ kɛaajɛ enyɛ musuŋ beebe.

Ṅmãle̱ Kroṅkroṅ Le̱

¹⁵ Edšake̱ eetšõ agbo ye̱ Nuṅtšo̱ le̱ hĩe; ni enuṅ wein lo dā̃ ní wa ko, ni Mumo̱ kroṅkroṅ aayi emli obõ ke̱-adše̱ enye mũsũṅ bēbe. Kods. 13,4. 5.

Luka 1:15 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

1 Mose 48:19

Shi etsɛ ekpɛlɛ̃ɛɛ nɔ, ni ekɛɛ, “Mibi, mile, mile krɛdɛɛ akɛ onukpa lɛ hu aaatsɔ̃ maŋ kpele, ni eeetsɔ agbo; shi kɛ̃lɛ enyɛmi gbekɛ lɛ aaatsɔ̃ kpeteŋkple fe lɛ, ni eshwiei aaatsɔ majimaji babaoo.”

1 Kronika 17:8

ni he fɛɛ he ni otee lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

1 Kronika 29:12

Bo ohãa anaa nii; bo ohãa mɔ hiɛ baa nyam; ni bo oyeɔ nii fɛɛ nɔ. Odɛ̃ŋ hewalɛ fɛɛ kɛ nyɛmɔ fɛɛ yɔɔ; ni hewalɛ ni akɛfeɔ gbɔmɔ mɔ wulu, asaŋ ni akɛhãa mɔ naa hewalɛ lɛ, Bo odɛ̃ŋ eyɔɔ.

Lalai 22:9

Bo ojie mi kɛjɛ minyɛ musu mli, ohiɛ mi shweshweeshwe, be ni mikã minyɛ fufɔ naa.

Yeremia 1:5

“Dani mibɔ bo yɛ onyɛ musuŋ beebe lɛ, mile bo; ni dani afɔ bo lɛ, mifee bo krɔŋkrɔŋ momo, ni miwo bo gbalɔ mihã majimaji lɛ.”

Yeremia 35:6

Shi amɛto he akɛ, “Wɔnuuu wain ejaakɛ wɔtsɛ Yonadab, ni ji Rekab bi lɛ, wo wɔ kitã akɛ, ‘Nyɛkanua wain gbi ko gbi ko, nyɛ kɛ nyɛshwiei fɛɛ.

3 Mose 10:9

“Bo kɛ obihii lɛ, nyɛkanua wain loo dãa ni wa ko be mli ni nyɛyaa Kpee Buu lɛ mli lɛ. Kɛ nyɛnu dãa lɛ, nyɛbaagboi. Oshwiei fɛɛ aye akpɔ nɛɛ nɔ.

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

Luka 1:14

Eeehã ona miishɛɛ, ni omli aafli bo, ni mɛi pii aaanya efɔmɔ lɛ he.

Luka 7:28

Ejaakɛ miikɛɛ nyɛ akɛ, mɛi ni yei fɔ amɛ lɛ ateŋ lɛ mɔ ko bɛ ni fe Yohane Baptisilɔ lɛ; shi mɔ ni ji bibioo yɛ Nyɔŋmɔ Maŋtsɛyeli lɛ mli lɛ fe lɛ.”

Luka 7:33

Ejaakɛ Yohane Baptisilɔ lɛ ba ni eyeee aboloo ni enuuu wain, ni nyɛkɛɛ, ‘Mumɔ fɔ̃ŋ yɛ emli.’

Yohane 5:35

Yohane ji kane ni tsoɔ ni ekpɛɔ lɛ, shi nyɛ lɛ, nyɛsumɔ akɛ nyɛmli afili nyɛ be kukuoo kɛkɛ yɛ elá lɛ mli.

Bɔfoi 2:4

ni Mumɔ Krɔŋkrɔŋ bayimɔ amɛ fɛɛ obɔ̃bɔ̃, ni amɛbɔ̃i wiemɔi krokomɛi awiemɔ tamɔ bɔ ni Mumɔ lɛ kɛwo amɛnaa lɛ.

Galatabii 1:15

Shi be ni esa Nyɔŋmɔ ni jie mi eto kɛjɛ minyɛ musuŋ beebe ni ekɛ edromɔ lɛ tsɛ mi kɛba lɛ hiɛ,

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 4:14

Nakai gbi lɛ nɔ Yehowa wo Yoshua hiɛ nyam etsɔ̃ɔ Israelbii fɛɛ, ni amɛshe Yoshua gbeyei ewala gbii abɔ fɛɛ tamɔ amɛshe Mose gbeyei lɛ.