Lalai 99:3 - ŊMALƐ KRƆŊKRƆŊ LƐ

³ Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

Ṅmãle̱ Kroṅkroṅ Le̱

³ Ame̱adšie ogbe̱i kpeteṅkple ni he ye̱ gbeyei le̱ yi: kroṅkroṅ dšile̱!

Lalai 99:3 ပူးပေါင်းရင်းမြစ်များ

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Lalai 100:4

Nyɛbotea egboi lɛ amli kɛ shidaa! Nyɛbaa ekpoi lɛ anɔ kɛ yijiemɔ! Nyɛdaa lɛ shi, nyɛjiea egbɛi lɛ yi!

Lalai 103:1

Jiemɔ Yehowa yi misusuma, ni nibii fɛɛ ni yɔɔ mimli, nyɛjiea egbɛi krɔŋkrɔŋ lɛ yi.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Lalai 76:1

Ale Nyɔŋmɔ yɛ Yuda! Egbɛi tsii yɛ Israel.

Lalai 76:12

lɛ mɔ ni ebaa lumɛi ashi, ni ehãa shikpɔŋ lɛ nɔ maŋtsɛmɛi sheɔ lɛ gbeyei lɛ.

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yeremia 20:11

Shi Yehowa kɛ mi yɛ eji kãkãlɔ ni asheɔ lɛ gbeyei. No hewɔ lɛ, miyiwalɔi lɛ baatɛrɛ; amɛhiɛ baagbo kpɔtɔkpɔtɔɔ, ejaakɛ amɛyeŋ minɔ kunim. Amɛhiɛgbele lɛ, hiɛ kpaŋ nɔ kɛmiiya naanɔ tɔ̃ɔ.

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

5 Mose 28:58

“Kɛji okwɛɛɛ ni ahi koni oye nɛkɛ mlai ni aŋma yɛ nɛkɛ wolo nɛɛ mli lɛ anɔ, ni oooshe Yehowa, oNyɔŋmɔ lɛ, gbɛi ni yɔɔ nyam kɛ gbeyei fɛɛ lɛ gbeyei lɛ,

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

Yoshua 24:19

Shi Yoshua kɛɛ maŋbii lɛ akɛ, “Nyɛnyɛŋ Yehowa nyɛsɔ̃mɔ ejaakɛ Nyɔŋmɔ ni yɔɔ krɔŋkrɔŋ ni; ni Nyɔŋmɔ ni yeɔ awuŋã ji lɛ, ni ekɛ nyɛtɔ̃mɔi lɛ kɛ nyɛhe eshai ekeŋ nyɛ.

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.