Lalai 99:1 - ŊMALƐ KRƆŊKRƆŊ LƐ

¹ Yehowa miiye maŋtsɛ; maji lɛ ahe akpokpo! Eta maŋtsɛ sɛi nɔ yɛ kerubim anɔ. Shikpɔŋ lɛ ahoso!

Ṅmãle̱ Kroṅkroṅ Le̱

¹ Iehowa *mīye maṅtše̱, mãdši le̱ ahe mīkpokpo! etá †kerubim le̱ ano̱, šikpoṅ le̱ mīhoso! *Lal. 83,1. †Lal. 80,2.

Lalai 99:1 ပူးပေါင်းရင်းမြစ်များ

2 Samuel 6:2

Kɛkɛ ni David kɛ gbɔmɛi nɛɛ yiŋ kɛtee Baala maŋ lɛ mli yɛ Yuda shikpɔŋ lɛ nɔ, koni amɛyawo Nyɔŋmɔ Kpãŋmɔ Adeka lɛ. Akɛ Yehowa Ofe ni elumɔyeli sɛi lɛ ma kerubim lɛ anɔ lɛ gbɛi ewo adeka lɛ.

1 Kronika 16:30

Shikpɔŋ muu lɛ fɛɛ he akpokpo yɛ ehiɛ. Je lɛ ma shi shiŋŋ, ni ehiŋ lɛ tsimɔ.

Lalai 18:10

Eta kerub nɔ, ni efiliki; eta kɔɔyɔɔ fiji anɔ kɛkpeleke shi oya.

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Lalai 80:1

Oo Israel Kpalalɔ, bo toi! Bo ni okpala Yosef tamɔ tooku, Bo ni ota kerubim anɔ, baajie ohe shi faŋŋ otsɔ̃ɔ.

Lalai 80:2

Yɛ Efraim kɛ Benyamin kɛ Manase hiɛ. Teemɔ ohewalɛ lɛ shi ni oba obahere wɔ!

Lalai 82:5

“Amɛleee nii lɛ, amɛnuuu nii ashishi hu; dujiaŋ amɛnyiɛ ni jalɛ saneyeli etã yɛ shikpɔŋ lɛ nɔ.

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

Lalai 96:10

Nyɛkɛa yɛ majimaji lɛ ateŋ akɛ, “Yehowa miiye maŋtsɛ! No hewɔ je lɛ ma shi shiŋŋ, ni anyɛŋ lɛ ahoso. Eeekojo gbɔmɛi yɛ jalɛ naa.”

Lalai 96:9

Je lɛ fɛɛ, nyɛkotoa kɛjaa Yehowa kɛji epue yɛ egbojeiaŋ! Nyɛ shikpɔŋ lɛ nɔ bii fɛɛ, nyɛhe akpokpoa yɛ ehiɛ!

Lalai 97:1

Yehowa miiye maŋtsɛ! Shikpɔŋ lɛ mli afili lɛ! Ŋshɔkpɔi babaoo lɛ anya!

Lalai 97:4

Esrawai lɛ hãa jeŋ tseɔ, je lɛ naa enɛ, ni ekpokpoɔ.

2 Mose 25:22

Gbɛ ni kã kerubim enyɔ lɛ ateŋ yɛ Kpãŋmɔ Adeka lɛ naanɔ lɛ nɔ lɛ baatsɔ̃ mi kɛ bo kpeehe, ni jɛi majɛ mi kɛ bo aaawie nibii fɛɛ ni mifã bo akɛ okɛɛ Israelbii lɛ.

Yesaia 19:14

Yehowa ehã awo Ijipt ŋaa gbonyo, ni no hewɔ lɛ, Ijipt yiŋ feɔ lɛ enyɔnyɔɔnyɔ, ni edidãa tamɔ dãatɔlɔ didãa kɛji eeshwe.

Yeremia 4:24

Mikwɛ gɔji lɛ, naa, amɛmiihoso, ni gɔ̃ŋkpɔi lɛ miitsi kɛmiiya kɛmiiba.

Yeremia 49:21

Edom shigbeemɔ lɛ baahã shikpɔŋ tete ahoso, ni blɔmɔ ni amɛbaablɔ lɛ abaanu yɛ Akaba Bele lɛ kpokpai anɔ tɔ̃ɔ.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Yeremia 50:46

Kɛji anu he akɛ aŋɔ Babilon nom lɛ, shikpɔŋ baahoso, ni abaanu Babilon awerɛho blɔmɔ yɛ majimaji lɛ anɔ.”

Ezekiel 43:7

Ekɛɛ mi akɛ, “Gbɔmɔ Adesa, mimaŋtsɛ sɛi lɛ shimaahe ji biɛ nɛɛ, ni biɛ nɛɛ nɔŋŋ ji minane maahe. Biɛ nɛɛ mahi yɛ Israelbii lɛ ateŋ kɛaatee naanɔ; ni Israel we lɛ woŋ migbɛi krɔŋkrɔŋ lɛ he muji dɔŋŋ. Amɛ, loo amɛmaŋtsɛmɛi lɛ kɛ wɔji krokomɛi ajamɔ kɛ amɛmaŋtsɛmɛi agbohii buleŋ migbɛi krɔŋkrɔŋ lɛ dɔŋŋ.

Luka 19:12

No hewɔ lɛ, ekɛɛ, “Ablade ko dom etee maŋsɛɛ shɔŋŋ ni eyaŋɔ emaŋtsɛyeli ni eku esɛɛ eba.

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kpojiemɔ 6:14

Ni ŋwɛi tsi ehe kɛtee sɛɛ tamɔ wolo ni aakota; ni atsirɛ gɔŋ fɛɛ gɔŋ kɛ ŋshɔkpɔ fɛɛ ŋshɔkpɔ kɛje egbɛhe.