Lalai 97:3 - ŊMALƐ KRƆŊKRƆŊ LƐ

³ La tsoɔ kɛnyiɛɔ ehiɛ, ni ekpãtãa ehenyɛlɔi ni bɔle lɛ lɛ ahiɛ.

Ṅmãle̱ Kroṅkroṅ Le̱

³ La nyieo̱ ehĩe ke̱-yaä, ni eyašãa ehenye̱lo̱i le̱ ke̱-kpeo̱. Hab 3,3-4.

Lalai 97:3 ပူးပေါင်းရင်းမြစ်များ

Lalai 18:8

Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

Lalai 18:9

Nyɔŋmɔ hã ŋwɛi kpoo enaa shi, kɛkɛ ni lɛ diɛŋtsɛ ebayi shi ni duŋ kabitii yɛ enajiaŋshi.

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Ezekiel 1:4

Be ni mikwɛɔ lɛ, naa, ahum ko ni naa wa fã kɛjɛ kooyigbɛ lɛ nɔŋŋ; ehewɔ fɛɛ miikpɛlɛ, ni la miikpɛlɛ nyramnyram kɛmiijɛ mli, nɔ ko tamɔ akɔɔble ni miitso yɛ la lɛ mli.

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

Habakuk 3:5

Tsɛŋemɔ hela nyiɛɔ ehiɛ, ni gbele hela nyiɛ esɛɛ tuuŋtu.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.

5 Mose 4:11

“Nyɛgbaa nyɛbii lɛ bɔ ni nyɛtsi nyɛbɛŋkɛ, ni nyɛbadamɔ gɔŋ lɛ shishi, kɛ bɔ ni gɔŋ lɛ here kɛ la kɛtee ŋwɛi shɔŋŋ, ni atatu kpii ko ha gɔŋ lɛ he fɛɛ kpula.

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 5:4

Yehowa jɛ la lɛ teŋ yɛ gɔŋ lɛ nɔ ni ekɛ nyɛ wie hiɛ kɛ hiɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.

Kpojiemɔ 11:5

Ni kɛ mɔ ko miitao afee amɛ efɔŋ lɛ, la jeɔ amɛdaaŋ ni ekpãtãa amɛhenyɛlɔi lɛ ahiɛ; ni kɛ mɔ ko miitao akɛ efee amɛ efɔŋ lɛ, nɛkɛ gbɛ nɔ atsɔ̃ɔ nɔŋŋ agbeɔ lɛ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.