Lalai 96:4 - ŊMALƐ KRƆŊKRƆŊ LƐ

⁴ Ejaakɛ Yehowa je agbo, ni esa yijiemɔ babaoo, ni esa akɛ asheɔ lɛ gbeyei fe nyɔŋmɔi fɛɛ.

Ṅmãle̱ Kroṅkroṅ Le̱

⁴ Edšake̱ Iehowa da ni esa yidšiemo̱ babaō; ehe ye̱ gbeyei fè nyoṅmo̱i le̱ fiā.

Lalai 96:4 ပူးပေါင်းရင်းမြစ်များ

2 Kronika 2:4

Naa, mibama Sɔlemɔtsu mikɛwo Yehowa, miNyɔŋmɔ lɛ, hiɛ nyam. Abaato tsu nɛɛ krɔŋkrɔŋ ahã lɛ, ni abaashã tsofakɛŋmai yɛ jɛi, ni akɛ aboloo baama Yehowa hiɛ yɛ jɛi daa, ni asaŋ abaashã shãa afɔlei yɛ jɛi akɛja lɛ daa leebi kɛ gbɛkɛ kɛ hejɔɔmɔ gbii lɛ hu, kɛji shɛ nyɔji hei, kɛ gbii juji krokomɛi ni akɛwoɔ Yehowa, wɔNyɔŋmɔ lɛ, hiɛ nyam lɛ anɔ. Gbɛnaa nitsumɔ ni kã shi hã Israel nɛ kɛmiiya naanɔ.

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Lalai 145:3

Yehowa je agbo; ni esa yijiemɔ babaoo, ni egbojee lɛ anaaa naa.

Lalai 150:2

Nyɛjiea eyi yɛ ehewalɛ nitsumɔi lɛ ahewɔ; nyɛjiea eyi yɛ egbojee kpeteŋkple lɛ hewɔ!

Lalai 18:3

Mibo mitsɛ Yehowa, mɔ ni sa yijiemɔ lɛ, ni ehere miyiwala kɛjɛ mihenyɛlɔi lɛ adɛŋ.

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Lalai 66:5

Nyɛbaa nyɛbakwɛa nɔ ni Nyɔŋmɔ etsu, naakpɛɛnii ni etsu yɛ gbɔmɛi abii ateŋ!

Lalai 76:7

Shi bo lɛ, ohe yɛ gbeyei naakpa. Kɛji omli efu lɛ, namɔ aaanyɛ ohiɛ adamɔ?

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Lalai 95:3

Ejaakɛ Nyɔŋmɔ kpeteŋkple ji Yehowa, Maŋtsɛ ni fe nyɔŋmɔi fɛɛ.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Luka 12:5

Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

1 Samuel 4:8

Sane eye wɔ! Namɔ po aaajie wɔ yɛ jemawɔji ni ahe yɔɔ gbeyei nɛɛ adɛŋ? Jemawɔji nɛɛ ni hã haomɔ ba Ijiptbii lɛ anɔ yɛ shiaŋa lɛ nɔ lɛ.