Lalai 94:4 - ŊMALƐ KRƆŊKRƆŊ LƐ

⁴ Amɛwieɔ amɛdaa obɔ̃, amɛwieɔ hewoo wiemɔi; mɛi ni feɔ nishaianii lɛ fɛɛ shwãa.

Ṅmãle̱ Kroṅkroṅ Le̱

⁴ Ame̱wieo̱ ame̱dā obõ, ame̱wieo̱ hewõ wiemo̱i; mei ní tšuo̱ nišaianii lo̱ fẽ ſãa.

Lalai 94:4 ပူးပေါင်းရင်းမြစ်များ

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Lalai 140:3

Amɛjɔ amɛlilɛii anaa tamɔ onufu, ni shikpãi anaa ebɔɔ yɛ amɛnyanyɔji ashishi.

Lalai 31:18

Hã amalelɔi lɛ amua amɛnaa, mɛi ni kɛ hewoo kɛ heguɔgbee wieɔ wiemɔi ni esaaa shiɔ jalɔi lɛ.

Lalai 52:1

Oo bo gbɔmɔ kãkãlɔ, mɛɛba okɛ onifɔɔjianii ni ofee oshi mɔ ni sheɔ Nyɔŋmɔ gbeyei lɛ shwãa lɛ?

Lalai 59:12

Esha wiemɔi ni jeɔ amɛnaa lɛ hewɔ lɛ, hã amɛhewoo lɛ afimɔ amɛ nɔŋŋ. Loomɔ kɛ amale wiemɔi ni amɛwieɔ lɛ hewɔ lɛ,

Lalai 59:7

Amɛ amɛyɔɔ jɛi lɛ, amɛwieɔ amɛdaa obɔ̃. Amɛnaa jaraa tamɔ klante, ni amɛkɛɔ akɛ, “Namɔ nuɔ nɔ ni wɔkɛɔ lɛ?”

Abe̱i 30:14

Mɛi komɛi yɛ ni amɛnyanyɔji lɛ klantei ni; amɛnyanyɔji lɛ kaklai ni; ni amɛkɛtserɛɔ ohiafoi amli kɛjeɔ shikpɔŋ lɛ nɔ; amɛkɛtserɛɔ mɛi ni efi amɛ lɛ kɛjeɔ gbɔmɛi ateŋ.

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Daniel 7:11

Mitee nɔ mikwɛ ninaa lɛ, yɛ wiemɔi agboiagboi ni minuɔ aklonto bibioo lɛ wieɔ lɛ hewɔ. Mihiɛ kwɛmɔ aahu kɛyashi mina akɛ agbe kooloo ni ji ejwɛ lɛ, ni afite egbɔmɔtso lɛ, ni ashɛ lɛ afɔ̃ la lɛ mli koni eshã.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:11

Ewo ehe nɔ aahu kɛyashɛ ŋwɛi asafo lɛ lumɔ lɛ tete nɔ; ni eshɔ̃ daa gbi afɔle ni ashãa lɛ yɛ edɛŋ, ni efite He Krɔŋkrɔŋ lɛ.

Mateo 12:24

Shi be ni Farisifoi lɛ nu lɛ, amɛkɛɛ, “Mumɔi fɔ̃ji alumɔ Beelzebul hewalɛ kɛkɛ mɔ nɛ kɛfãa mumɔi fɔ̃ji lɛ.”

Mateo 12:34

Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

1 Samuel 2:3

Nyɛkawiea kɛ henɔwomɔ nɛkɛ dɔŋŋ; nyɛkawiea kɛ hetsɔ̃ɔmɔ, ejaakɛ Yehowa lɛ, Nyɔŋmɔ nilelɔ ni, ni lɛ ekojoɔ adesai anifeemɔnii.