Lalai 9:20 - ŊMALƐ KRƆŊKRƆŊ LƐ

²⁰ Oo Yehowa, wo amɛhe gbeyei koni majimaji lɛ ana ale akɛ gbɔmɛi adesai kɛkɛ ji amɛ.

Ṅmãle̱ Kroṅkroṅ Le̱

²⁰ Wó ohe no̱, Iehowa! Kāhã ádesã miye no̱; hã ní akodšo dšeṅmãdši le̱ ye̱ ohĩe!

Lalai 9:20 ပူးပေါင်းရင်းမြစ်များ

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

Lalai 3:8

Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela

Lalai 62:9

Mɛi bibii fɛɛ tamɔ kɔɔyɔɔ, mɛi wuji hu jeee fɛifɛi kɛji aŋmɛ amɛ yɛ nsɛni mli lɛ, amɛtsiii. Amɛ fɛɛ amɛtsiimɔ shɛɛɛ nɔ ko nɔ ko, amɛtamɔ kɔɔyɔɔ.

Lalai 76:12

lɛ mɔ ni ebaa lumɛi ashi, ni ehãa shikpɔŋ lɛ nɔ maŋtsɛmɛi sheɔ lɛ gbeyei lɛ.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

2 Mose 23:27

“Mahã miheŋmiŋmi atsɔ̃ nyɛhiɛ amɔmɔ maji lɛ fɛɛ dani nyɛaayanina amɛ, ni maŋ fɛɛ maŋ nɔ ni nyɛaashɛ lɛ aaajija yɛ nyɛhiɛ.

Yesaia 31:3

Ijiptbii lɛ gbɔmɛi adesai kɛkɛ ji amɛ; jeee Nyɔŋmɔ ji amɛ, ni amɛkpɔŋɔi lɛ heloo kɛ lá ni, shi jeee mumɔi ni. Kɛji Yehowa wo enine nɔ lɛ, mɔ ni yeɔ buaa mɔ lɛ aaatɛ, ni mɔ ni ayeɔ abuaa lɛ lɛ hu aaagbee shi, ni amɛ fɛɛ amɛhiɛ aaakpãtã.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 28:9

Be ni oyɔɔ mɛi ni gbeɔ bo lɛ adɛŋ lɛ, ani ooonyɛ okɛɛ akɛ ‘Nyɔŋmɔ ko ji mi?’ Be mli ni gbɔmɔ kɛkɛ ji bo, shi ojeee nyɔŋmɔ ko lɛ?

Ezekiel 30:13

Bɔ ni Nuŋtsɔ Yehowa kɛɔ nɛ, “Mafite amɛmɔji lɛ; ni mahã akumɔ amɛmãgãi ni yɔɔ Memfis lɛ. Ayeŋ lumɔ ko dɔŋŋ yɛ Ijipt, ni mahã Ijipt shikpɔŋ lɛ nɔ aba gbeyei.

5 Mose 2:25

Kɛjɛ ŋmɛnɛ gbi nɛɛ nɔ lɛ, mahã nyɛhe ŋmiŋmi kɛ gbeyei amɔmɔ mɛi fɛɛ ni yɔɔ jeŋ fɛɛ; amɛaanu nyɛhe, amɛtsui aaafã, ni amɛhe aaakpokpo kɛji atsi nyɛtã.