Lalai 9:14 - ŊMALƐ KRƆŊKRƆŊ LƐ

¹⁴ koni majaje oyijiemɔi lɛ fɛɛ yɛ Yerusalɛmbii lɛ agboi lɛ amli, mimli aaafli mi, ejaakɛ ohere miyiwala.

Ṅmãle̱ Kroṅkroṅ Le̱

¹⁴ Iehowa, nami mo̱bo̱! Kwe̱mo̱ mi-manehũlũ ní minaä ye̱ mei ní nye̱o̱mi le̱ adeṅ, bo moni owóo̱ mino̱ ke̱-dše̱o̱ gbĕle agbói le̱ amli,

Lalai 9:14 ပူးပေါင်းရင်းမြစ်များ

Lalai 106:2

Namɔ aaanyɛ Yehowa hewalɛ nitsumɔi lɛ agba? Namɔ aaanyɛ eyijiemɔ lɛ agba kɛwula shi?

Lalai 13:5

Shi mi lɛ, osuɔmɔ ni tsakeee lɛ nɔ mihiɛ kã. Manya kɛ mitsui fɛɛ, ejaakɛ obaahere miyiwala.

Lalai 20:5

Wɔɔbɔ oshe kɛ nyamɔ yɛ okunimyeli hewɔ; ni wɔNyɔŋmɔ lɛ gbɛi mli wɔɔshi wɔflaŋai yɛ. Yehowa ahã bo nɔ fɛɛ nɔ ni obiɔ lɛ.

Lalai 21:1

Yehowa, ohewalɛ lɛ mli maŋtsɛ lɛ naa miishɛɛ yɛ; ni oyelikɛbuamɔ mli maŋtsɛ lɛ nyaa yɛ.

Lalai 22:22

Majaje onifeemɔi lɛ matsɔ̃ɔ minyɛmimɛi lɛ, ni majie oyi yɛ asafo lɛ mli.

Lalai 22:25

Bo ohãa mijieɔ oyi yɛ asafo kpele lɛ mli; maye mishiwoi lɛ anɔ yɛ mɛi ni sheɔ bo gbeyei ni amɛjaa bo lɛ ahiɛ.

Lalai 35:18

Kɛkɛ lɛ mada bo shi yɛ asafo kpele lɛ mli; majie oyi yɛ mɛi pii ahiɛ.

Lalai 35:9

Kɛkɛ lɛ, misusuma mli aaafli lɛ yɛ Yehowa hewɔ, mimii aaashɛ mihe, ejaakɛ ehere mi.

Lalai 42:4

Miwerɛ hoɔ mihe, kɛji mikai enɛɛmɛi: bɔ ni mi kɛ asafo yuu nyiɛɔ, bɔ ni amɛtoɔ yuu, ni minyiɛɔ amɛhiɛ kɛyaa Nyɔŋmɔ We lɛ; bɔ ni asafo lɛ bɔɔ oshe kɛ miishɛɛ, ni amɛkɛ shidaa lalai yeɔ gbijurɔ lɛ.

Lalai 51:12

Hã manu miishɛɛ ni yɔɔ oyiwalaheremɔ mli lɛ he ekoŋŋ; baamɔ mimli toiboo mumɔ lɛ yi,

Lalai 51:15

Oo Nuŋtsɔ, gbelemɔ minaa, ni minaabu ajaje oyijiemɔ lɛ atsɔ̃ɔ.

Lalai 6:3

Misusuma hu miikpokpo naakpa. Shi ao Yehowa, kɛyaashi mɛɛbe?

Lalai 75:9

Shi mi lɛ, mibanya kɛaatee naanɔ. Mala majie Yakob Nyɔŋmɔ lɛ yi.

Lalai 79:13

Kɛkɛ lɛ, wɔ owebii, olɛɛhe lɛ toi lɛ, wɔɔda bo shi kɛaatee naanɔ; ni wɔɔgba onifeemɔi lɛ wɔtsɔ̃ɔ kɛjie oyi kɛjɛ yinɔ kɛyashi yinɔ.

2 Mose 3:7

Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

2 Mose 3:9

Israelbii lɛ akɔmɔyeli lɛ jwere mitoiŋ, ni mihiɛ tua bɔ ni Ijiptbii haoɔ amɛ lɛ.

Yesaia 12:3

Nyɛkɛ nyamɔ aaayɛ nu yɛ yiwalaheremɔ bui lɛ amli.’

Yesaia 37:22

nɔ ni Yehowa kɛɔ yɛ Sankerib he nɛ, Zion biyoo oblayoo foro, Yerusalɛm ebuuu bo, Sankerib, ehãaa nɔ ko nɔ ko.

Yesaia 62:11

Naa, Yehowa eha ashiɛ kɛtee shikpɔŋ lɛ naagbeehe lɛ akɛ, Nyɛkɛa Zion bi yoo lɛ akɛ, “Naa, oyiwalaheremɔ lɛ miiba; naa, ehiɛ enyɔmɔwoo kɛmiiba, ni mɛi ni ekpɔ̃ amɛ lɛ nyiɛ ehiɛ kɛmiiba.”

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Habakuk 3:18

Kɛ̃lɛ mi lɛ mibanya, ni mimli aaafli mi yɛ Yehowa miyiwalaheremɔ Nyɔŋmɔ lɛ mli.

Luka 1:47

ni mimumɔ mli miifili lɛ yɛ Nyɔŋmɔ miyiwalaherelɔ lɛ hewɔ,

1 Samuel 2:1

Kɛkɛ ni Hana sɔle yɛ jɛi ni ekɛɛ “Yehowa, ohã mimli efili mi, ni minyɛ mihiɛ nɔ miwo. Mibaŋmɔ mihenyɛlɔi lɛ, ejaakɛ ohere mi.