Lalai 9:10 - ŊMALƐ KRƆŊKRƆŊ LƐ

¹⁰ Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Ṅmãle̱ Kroṅkroṅ Le̱

¹⁰ Iehowa aatšṍ abobāhe aha moni awaäle̱ yi le̱, abobāhe ye̱ fīmo̱ bei amli.

Lalai 9:10 ပူးပေါင်းရင်းမြစ်များ

2 Samuel 22:3

MiNyɔŋmɔ lɛ ji mitɛsaa, mɔ mli ni mibaa abo yɛ. Ebuɔ mihe tamɔ tsɛŋ, ni efãa mihe, ni ehãa mifeɔ shweshweeshwe. Lɛ ji miyiwalaherelɔ ni buɔ mihe, ni hereɔ mi kɛjɛɔ nɔnaa mli.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Lalai 37:28

Ejaakɛ Yehowa sumɔɔ jalɛ saneyeli; ekwaŋ emɛi krɔŋkrɔŋi lɛ. Abaabaa jalɔi ayi kɛya naanɔ, shi mɛi fɔ̃ji ashwiei lɛ, aaakpãtã amɛhiɛ.

Lalai 37:39

Yehowa hereɔ jalɔi ayiwala. Lɛ ji amɛbobaahe yɛ haomɔ be mli.

Lalai 5:11

Shi mɛi fɛɛ ni baa bo abo lɛ, amɛmli filiɔ amɛ. Hã amɛla lalai be fɛɛ be kɛ miishɛɛ. Mɛi fɛɛ ni sumɔɔ ogbɛi lɛ, fã amɛhe ni ohã amɛnya.

Lalai 57:1

Naa mi mɔbɔ! Oo Nyɔŋmɔ, naa mi mɔbɔ, ejaakɛ bo abo misusuma baa nɛɛ. Ofiji ashishi hɔ̃ɔŋ lɛ mli maba abo yɛ kɛyaashi hiɛkpãtãmɔ ahum lɛ aaaho.

Lalai 91:14

Mɛi ni sumɔɔ mi lɛ, majie amɛ, ni mɛi ni le migbɛi lɛ mabu amɛhe.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 25:4

Ejaakɛ otsɔ̃ abobaahe ohã ohiafo, otsɔ̃ abobaahe ohã mɔ ni ehĩa yɛ ehĩamɔ be mli. Otsɔ̃ abobaahe yɛ ahum mli, kɛ hɔ̃ɔŋ yɛ latsa be mli; ejaakɛ yiwalɔi amlifu lɛ, etamɔ ahum ni miitswa,

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Yeremia 29:13

Nyɛaatao mi, ni nyɛaana mi, kɛji nyɛtao misɛɛgbɛ kɛ nyɛtsui fɛɛ lɛ.

Nahum 1:7

Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

1 Yohane 2:3

Ni kɛ wɔyeɔ Nyɔŋmɔ kitãi lɛ anɔ lɛ, no wɔkɛnaa akɛ wɔle lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.