Lalai 8:2 - ŊMALƐ KRƆŊKRƆŊ LƐ

² Ohenyɛlɔi ahewɔ lɛ, osaa hewalɛ oto yɛ gbekɛbii kɛ abifabii anaa, bɔ ni afee ni ohã ohenyɛlɔi lɛ amua amɛnaa ni amɛfee diŋŋ.

Ṅmãle̱ Kroṅkroṅ Le̱

² Iehowa, wo̱-Nuṅtšo̱, kwe̱ bo̱ni ogbe̱i le̱ dše agbo ye̱ šikpoṅ le̱ no̱ fẽ, bo ni oṅõo̱ onumnyam le̱ ohaä ṅwei!

Lalai 8:2 ပူးပေါင်းရင်းမြစ်များ

Lalai 148:13

hã amɛ jie Yehowa gbɛi lɛ yi, ejaakɛ ekoome egbɛi lɛ nɔ awo gojoo fe gbɛii fɛɛ. Lɛ enunyam lɛ kwɔ fe shikpɔŋ kɛ ŋwɛi fɛɛ tete.

Lalai 4:4

Kɛji agba nyɛnaa lɛ, nyɛkafea esha; nyɛjwɛŋa enɛ he jogbaŋŋ yɛ nyɛsai anɔ, ni nyɛfea dioo.

Lalai 44:16

yɛ ahorabɔlɔi lɛ kɛ sopalɔi lɛ awiemɔi ahewɔ ni hiɛgbele hu mɔɔ mi kɛ mina mihenyɛlɔ kɛ oweletɔlɔ lɛ.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Lalai 57:6

Mihenyɛlɔi ŋmɛ mi yaa koni amɛdu mi; misusuma edɔ kɔmɔɔ kɛ awerɛho. Amɛtsa bu yɛ migbɛ nɔ, shi amɛ diɛŋtsɛ moŋ amɛyagbee mli.

2 Mose 11:7

Shi yɛ Israelbii lɛ agbɛfaŋ lɛ, gbɔmɔ jio, kooloo jio, gbee tete shiŋ esɛŋ ewoŋ lɛ, koni nyɛkɛna nyɛle akɛ Yehowa miitsɔ̃ɔ srɔto ni yɔɔ Ijiptbii kɛ Israelbii ateŋ.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

Yesaia 40:31

Shi mɛi ni hiɛ kã Yehowa nɔ lɛ, amɛaana hewalɛ hee: amɛaafliki tamɔ okropɔŋ amɛaajo foi, ni etɔŋ amɛ amɛaanyiɛ hu, ni amɛgbɔjɔŋ.

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Amos 5:9

Ehãa hewalɔ hiɛ kpãtãa kɛkɛ lɛ mɔɔ ni wa lɛ hu hiɛ ekpãtã.

Habakuk 2:20

Naa, Yehowa yɛ eSɔlemɔ we krɔŋkrɔŋ lɛ mli, shikpɔŋ lɛ nɔ gbɔmɛi fɛɛ afee diŋŋ yɛ ehiɛ.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Mateo 21:16

ni amɛkɛɛ lɛ akɛ, “Oonu nɔ ni mɛnɛɛmɛi kɛɔ nɛɛ lo?” Ni Yesu kɛɛ amɛ akɛ, “Hɛɛ, ani nyɛkaneko dã akɛ, ‘Abifabii kɛ fufɔbii anaa osaa yijiemɔ oto yɛ?’ ”

Luka 10:21

Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.

1 Korintobii 1:27

shi moŋ je nɛɛ mli kwashiaianii lɛ Nyɔŋmɔ hala, koni ekɛwo nilelɔi lɛ ahiɛgble; ni je nɛɛ mli gbɔjɔmɔnii lɛ hu Nyɔŋmɔ hala, koni ekɛwo nii ni he wa lɛ ahiɛgble;

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.