Lalai 79:9 - ŊMALƐ KRƆŊKRƆŊ LƐ

⁹ Oo wɔyiwalaheremɔ Nyɔŋmɔ, ogbɛi lɛ hiɛ nyam hewɔ lɛ, heremɔ wɔyiwala! Ni okɛ wɔhe eshai lɛ afa wɔ yɛ ogbɛi lɛ hewɔ.

Ṅmãle̱ Kroṅkroṅ Le̱

⁹ Ye obuawo̱, wo̱yiwalaheremo̱ Nyoṅmo̱, ye̱ ogbe̱i le̱ hĩenyam hewo̱, ni odšie-wo̱ ni otšumo̱ wo̱he ešai le̱ ye̱ ogbe̱i le̱ hewo̱!

Lalai 79:9 ပူးပေါင်းရင်းမြစ်များ

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

Lalai 115:1

Jeee wɔ, Yehowa, jeee wɔ, shi ogbɛi lɛ moŋ aŋɔ anunyam ahã, yɛ osuɔmɔ ni tsakeee kɛ onɔkwayeli lɛ hewɔ!

Lalai 25:11

Oo Yehowa, ogbɛi lɛ hewɔ lɛ, ŋɔɔ mihe esha lɛ ofa mi, ejaakɛ eda.

Lalai 31:3

Hɛɛ! Bo ji mitɛsaa kɛ mimɔ̃ɔ. Ogbɛi lɛ hewɔ lɛ, nyiɛmɔ mihiɛ, ni otsɔ̃ɔ mi gbɛ.

Lalai 65:3

Kɛji wɔnishaianii miipiŋ wɔ lɛ, bo okɛfaa wɔ.

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 48:9

Migbɛi lɛ hewɔ lɛ, miitsi mimlifu lɛ mato. Mi, miyijiemɔ hewɔ lɛ, miito mitsui shi maha bo koni mikakpãtã ohiɛ.

Yeremia 14:21

Ogbɛi lɛ hewɔ lɛ, kaakwa wɔ; kaahã Yerusalɛm hiɛ miishwie shi; he ni ogbojee maŋtsɛ sɛ̃i lɛ yɔɔ lɛ. Kaimɔ kpãŋmɔ ni okɛ wɔ kpãŋ lɛ; ni okaku mli.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Ezekiel 20:14

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi mijie Israel kɛjɛ Ijipt shikpɔŋ lɛ nɔ lɛ.

Ezekiel 20:44

Nuŋtsɔ Yehowa kɛɛ akɛ, nyɛ Israel we, kɛji mikɛnyɛ ye yɛ migbɛi lɛ hewɔ, shi jeee yɛ nyɛjeŋba gbohii lɛ ahewɔ, loo nyɛnifeemɔnii gbohii lɛ ahewɔ lɛ, no nyɛkɛaale akɛ mi, mi ji Yehowa.”

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Daniel 9:19

Ao! Yehowa, bo wɔ toi koni ofee he eko ohã wɔ. Ao! MiNyɔŋmɔ, ofainɛ, kaatsɛ kwraa ni ofee he eko ohã wɔ yɛ ogbɛi lɛ hewɔ, ejaakɛ ogbɛi kpɛtɛ omaŋ lɛ kɛ omaŋbii lɛ ahe.”

Daniel 9:9

Nuŋtsɔ, wɔNyɔŋmɔ, musuŋtsɔlɔ ji bo, ni okɛ esha faa tsɛbelɛ wɔtse ohiɛ atua,

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”