Lalai 79:3 - ŊMALƐ KRƆŊKRƆŊ LƐ

³ Amɛshwie omɛi lɛ alá shi tamɔ nu kɛbɔle Yerusalɛm; ni anaaa mɔ ko mɔ ko po afu amɛ.

Ṅmãle̱ Kroṅkroṅ Le̱

³ Ame̱fo̱se ame̱lá ame̱ſĩe ši tamo̱ nu ke̱-bo̱le Ierusalem ke̱-kpe, ni mokomoko be̱ ni aafũame̱.

Lalai 79:3 ပူးပေါင်းရင်းမြစ်များ

Lalai 141:7

Bɔ ni kɛ mɔ ko miihu ni egbɛɔ shikpɔŋ lɛ, nakai agbɛ wɔwui ashwã gbonyobu toi.

Lalai 79:10

Mɛni hewɔ esa akɛ maji lɛ akɛɛ akɛ, “Nɛgbɛ amɛNyɔŋmɔ lɛ yɔɔ?” Hã majimaji lɛ ale, ni hã wɔ hu wɔna kɛ wɔhiŋmɛi, nɔ owele ni obaatɔ yɛ otsuji lɛ ala shi ni ashwie lɛ hewɔ.

Yeremia 14:16

Ni ta kɛ hɔmɔ nɔŋŋ nɔ abaatsɔ̃ akpãtã mɛi ni amɛgbaa amɛtsɔ̃ɔ lɛ hu ahiɛ. Ni abaashɛrɛ amɛ kɛ amɛŋamɛi kɛ amɛbihii kɛ amɛbiyei agbohii ashwie Yerusalɛm gbɛjegbɛi lɛ anɔ, ni anaŋ mɛi ni baafu amɛ tete. Mibawo amɛ amɛnifɔ̃ɔjianii lɛ he nyɔmɔ.”

Yeremia 15:3

Mi, Yehowa, miikɛɛ akɛ, mibahã nibii srɔtoi ejwɛ komɛi aba amɛnɔ. Ta baaba abakpãtã amɛhiɛ, ni gbei baashãtã amɛ, ni ŋwɛi loofɔji kɛ ŋaŋ kooloi baaye amɛloo.

Yeremia 16:4

Gbele helai baagbegbee amɛ; ayeŋ amɛhe ŋkɔmɔ, ni afuŋ amɛgbohii lɛ tete; ni amɛbaajwere shikpɔŋ lɛ nɔ tamɔ wamɔ. Amɛbaanyɔnyɔi yɛ klante kɛ hɔmɔ naa, ni amɛgbohii lɛ baatsɔ̃ niyenii ahã loofɔji kɛ jwɛiiaŋ kooloi.

Yeremia 25:33

Ni Yehowa baagbe mɛi yɛ nakai gbi lɛ nɔ kɛjɛ shikpɔŋ lɛ naagbeehe kome kɛyashi enaagbeehe kroko. Afoŋ amɛ, ni abuaŋ amɛnaa, ni afuŋ amɛ tete; amɛaatsɔ̃ wamɔ yɛ shikpɔŋ lɛ nɔ.

Yeremia 34:20

Mibaŋɔ amɛ mawo amɛhenyɛlɔi ni taoɔ amɛgbele lɛ adɛŋ, ni amɛgbohii baatsɔ̃ niyenii ahã ŋwɛi loofɔji kɛ shikpɔŋ nɔ kooloi kakawuai.

Zefania 1:17

Yehowa kɛɛ akɛ, “Mibahao gbɔmɛi, ni amɛbaanyiɛ tamɔ shwilafoi. Akɛni amɛgbo Yehowa nɔ toi lɛ, aaashwie amɛlá shi tamɔ nu, ni amɛgbohii lɛ aaatsɔ̃ tamɔ wamɔ.”

Mateo 23:35

Bɔ ni afee ni jalɔi alá fɛɛ ni ashwie shi yɛ shikpɔŋ lɛ nɔ kɛjɛ Abel, jalɔ lɛ, lá lɛ nɔ kɛbashi Zakaria, Barakia bi lɛ, ni nyɛgbe lɛ yɛ Sɔlemɔtsu lɛ kɛ afɔleshãa latɛ lɛ teŋ lɛ lá lɛ nɔ lɛ aba nyɛnɔ.

Romabii 8:36

Tamɔ bɔ ni aŋma akɛ, “Ohewɔ lɛ agbeɔ wɔ aahu jenamɔ tuu; abu wɔ akɛ toi ni ayaagbe amɛ.”

Kpojiemɔ 11:9

Ni mɛi komɛi ni jɛ maji lɛ kɛ akutsei lɛ kɛ maji anɔ wiemɔi lɛ kɛ jeŋmaji lɛ amli lɛ aaakwɛ amɛgbohii lɛ gbii etɛ̃ kɛ fã, ni amɛkpɛlɛ̃ŋ ni afu amɛ.

Kpojiemɔ 16:6

Ejaakɛ amɛshwie krɔŋkrɔŋbii lɛ kɛ gbalɔi lɛ alá shi. Ni lá nɔŋŋ ohã amɛ ni amɛnu; esa amɛ nakai!”

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.

Kpojiemɔ 18:24

Ni emli ana gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ ala lɛ yɛ.