Lalai 78:6 - ŊMALƐ KRƆŊKRƆŊ LƐ

⁶ bɔ ni afee ni nyɛbii ni baaba lɛ ana ale nii nɛɛ; bii ni anako afɔ tete, koni amɛ hu amɛtsɔ̃ɔ amɛbii.

Ṅmãle̱ Kroṅkroṅ Le̱

⁶ koni yino̱bii ní baba le̱, bii ní abafo̱ le̱ aná ale, ni ame̱ hũ ame̱te ši ni ame̱gba ame̱bii,

Lalai 78:6 ပူးပေါင်းရင်းမြစ်များ

Ester 9:28

Amɛfo akɛ Yudafoi aweku fɛɛ weku ni yɔɔ maŋ fɛɛ maŋ nɔ, yɛ shikpɔŋ fɛɛ shikpɔŋ nɔ, yɛ yinɔi fɛɛ amli hiɛ ahi nɛkɛ gbii enyɔ nɛɛ anɔ, ni amɛye Purim gbii nɛɛ, ni ekaho amɛyi kɔkɔɔkɔ. Amɛ kɛ amɛshwiei akai gbii nɛɛ kɛya yinɔi ayinɔi fɛɛ.

Lalai 102:18

Hã aŋma enɛ afɔ shi ahã yinɔbii ni baa lɛ, koni mɛi ni afɔko amɛ tete po ajie Yehowa yi.

Lalai 145:4

Yinɔ kome aaakafo onitsumɔi lɛ atsɔ̃ɔ yinɔ kroko; ni amɛaajaje ohewalɛ nifeemɔi lɛ amɛtsɔ̃ɔ.

Lalai 22:31

Abaajaje atsɔ̃ɔ yinɔbii ni afɔko tete lɛ akɛ lɛ, Yehowa lɛ, ehere maŋ lɛ yiwala.

Lalai 48:13

Nyɛtɛ̃jea nyɛhiɛ nyɛkwɛa gbogboi lɛ; nyɛkpaa emli mɔji wuji lɛ amli, koni nyɛgbaa yinɔbii ni baaba lɛ akɛ,

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

Lalai 90:16

Hã wɔ ni ji otsuji lɛ ana onitsumɔi wuji lɛ, ni wɔshwiei hu ana onunyam kpele lɛ.

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

Yoel 1:3

Nyɛgbaa nyɛbii, koni nyɛbii lɛ agba amɛbii, ni amɛbii lɛ hu agba yinɔ ni baa yɛ amɛsɛɛ lɛ.

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’