“Nyɛyaa ni nyɛyabia Yehowa nii nyɛhãa mi kɛ maŋbii lɛ kɛ Yuda maŋ muu lɛ fɛɛ yɛ nɛkɛ wolo ni ana nɛɛ mli wiemɔi lɛ ahewɔ, ejaakɛ Yehowa mli ni ewo la ewo wɔ nɛɛ naa wa naakpa, ejaakɛ wɔtsɛmɛi lɛ booo wiemɔi ni yɔɔ wolo nɛɛ mli lɛ toi koni amɛye emli wiemɔi ni kɔɔ wɔhe lɛ anɔ.”
ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.
Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?