Lalai 74:4 - ŊMALƐ KRƆŊKRƆŊ LƐ

⁴ Ohenyɛlɔi lɛ ebɔ kunimyeli oshe yɛ Ohe Krɔŋkrɔŋ lɛŋ; amɛshi amɛflaŋaai yɛ jɛi akɛ kunimyeli he okadi.

Ṅmãle̱ Kroṅkroṅ Le̱

⁴ Ohenye̱lo̱i le̱ hū̃o̱ ye̱ gwabō̱ le̱ teṅ, ame̱ṅõ ame̱kadii le̱ ame̱mãmo̱ ši ame̱ke̱-totō okadii.

Lalai 74:4 ပူးပေါင်းရင်းမြစ်များ

2 Kronika 36:17

Enɛ hewɔ lɛ, Yehowa yakpala Babilon maŋtsɛ lɛ kɛba, ni ebatua Yudabii lɛ, ni egbe Yuda oblahii lɛ kɛnyiɛ Sɔlemɔ we lɛ mli tete po. Eyanaaa mɔ ko mɔ ko mɔbɔ, oblanyo jio, oblayoo jio, nuumo jio, yoomo jio, gbɔmɔ kpiŋtiŋkpliŋŋ jio, helatsɛ jio, egbe fɛɛ.

Yāfó 2:7

Nuŋtsɔ lɛ nyaŋe afɔleshãa latɛ lɛ; ni ekwa Ehe Krɔŋkrɔŋ lɛ, ni eŋɔ ehe mɔji fɛɛfɛji lɛ ehã henyɛlɔ lɛ. Abolɔ yɛ Yehowa we lɛ mli tamɔ abolɔɔ yɛ gbijurɔ nɔ.

Daniel 6:27

Jielɔ kɛ herelɔ ji lɛ; etoɔ okadii, ni efeɔ naakpɛɛ nii yɛ ŋwɛi kɛ shikpɔŋ lɛ nɔ. Ehere Daniel yɛ jatai lɛ adɛŋ.”

4 Mose 2:2

“Kɛji ashɛ shitoohe ko lɛ, Israelbii lɛ ateŋ mɔ fɛɛ mɔ ashi ebuu yɛ esafo shitoohe, yɛ etsɛmɛi awe aflaŋaa lɛ shishi. Amãmɔ bui fɛɛ yɛ Kpee Buu lɛ ŋlɛnɔ kɛbɔle lɛ kpula kɛkpe.

Mateo 24:15

“No hewɔ lɛ, kɛ nyɛna ‘Amaŋfɔ̃ nihiinii lɛ’ ni gbalɔ Daniel wie he lɛ akɛ ema he krɔŋkrɔŋ lɛ (mɔ ni kaneɔ lɛ eyoo sɛɛ!)

Luka 13:1

Nakai be lɛ mli nɔŋŋ lɛ mɛi komɛi yɛ jɛi ni gba lɛ Galileabii ni Pilato kɛ amɛlá futu amɛfɔlei lɛ amli lɛ ahe sane.

Luka 21:20

“Shi kɛ nyɛna akɛ tai ebɔle Yerusalɛm lɛ, belɛ nyɛnaa nyɛlea akɛ efitemɔ lɛ eshɛ.

Kpojiemɔ 13:6

Ni egbele enaa ewie musubɔɔ wiemɔi eshi Nyɔŋmɔ, ni ewie egbɛi lɛ kɛ eshihilɛhe lɛ kɛ mɛi ni yɔɔ ŋwɛi lɛ ahe musubɔɔ wiemɔi.