Lalai 74:3 - ŊMALƐ KRƆŊKRƆŊ LƐ

³ Dɔɔ ohe kɛya naanɔ amaŋfɔ̃i lɛ amli. Henyɛlɔ lɛ efite nibii fɛɛ ni yɔɔ He Krɔŋkrɔŋ lɛŋ lɛ.

Ṅmãle̱ Kroṅkroṅ Le̱

³ Holemo̱ onãdši ano̱ ke̱-ya dā amaṅ-fõi le̱ amli; henye̱lo̱ le̱ efite nibii fiā ye̱ hekroṅkroṅ le̱!

Lalai 74:3 ပူးပေါင်းရင်းမြစ်များ

2 Maŋtsɛmɛi 25:9

Ni ebashã Yehowa we lɛ kɛ maŋtsɛ we lɛ kɛ Yerusalɛm shĩai lɛ fɛɛ, ni shĩa wulu fɛɛ shĩa wulu lɛ ekɛ la shã butuu.

Nehemia 1:3

Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Nehemia 2:13

Mitsɔ̃ jɔɔ lɛ mli agbo lɛ naa nyɔɔŋ kɛje kpo kɛtsɔ̃ Drako Nubu lɛ he kɛtee Tumo Agbo lɛ naa. Misra Yerusalɛm gbogboi lɛ mikwɛ bɔ ni amɛkumɔ amɛshwie shi, kɛ enaa agboi ni ashã lɛ.

Nehemia 2:3

ni mikɛɛ, “Maŋtsɛ yi ana wala kɛya naanɔ! Nii, mɛɛba ni esaaa akɛ mihiɛ afee mɔbɔmɔbɔ be ni maŋ ni ji he ni mitsɛmɛi asaŋi yɔɔ lɛ etsɔ̃ amaŋfɔ̃, ni ashã ehe agboi lɛ?”

Lalai 44:23

Oo Nuŋtsɔ, tee shi, mɛɛba owɔɔ? Ohiɛ atsɛ̃, kaashɛrɛ wɔ oshwie kɛmiiya naanɔ.

Lalai 44:26

Tee shi ni obaye obua wɔ. Yɛ osuɔmɔ ni tsakeee lɛ hewɔ lɛ heremɔ wɔyiwala.

Lalai 79:1

Oo Naa Nyɔŋmɔ, jeŋmajiaŋbii ebabote oshikpɔŋ lɛ nɔ; amɛbule oSɔlemɔ we krɔŋkrɔŋ lɛ, ni amɛfee Yerusalɛm koikoi.

Yesaia 10:6

Mifã lɛ miwo maŋ ni sheee Nyɔŋmɔ gbeyei lɛ he. Mifã lɛ koni eyatua mɛi ni mimli efu amɛ lɛ, koni eyaha amɛ, koni eshɔ̃ amɛdɛŋ nii, koni enaanaa amɛnɔ tamɔ anaa blohuŋ ŋmiamɔ.

Yesaia 25:10

Yehowa kɛ ehewalɛ lɛ baafã gɔŋ nɛɛ he. Shi Moabbii lɛ abaanaanaa amɛnɔ tamɔ anaa jwɛi nɔ yɛ bu ni yɔɔ tumo nɔ.

Yesaia 61:4

Amɛaatswa blema tsui koi lɛ; ni amɛaasaa tsutsubii lɛ amaŋfɔ̃i lɛ, ni amɛaato maji ni efite lɛ ehee ekoŋŋ ni ji yinɔi pii anɔ amaŋfɔ̃i lɛ.

Yeremia 52:13

ni eshã Yehowa Sɔlemɔ we lɛ kɛ maŋtsɛ we lɛ kɛ Yerusalɛm shĩai fɛɛ. Eshã shĩa wulu fɛɛ shĩa wulu,

Yāfó 1:10

Ehenyɛlɔ ekpã enine mli ewo Yuda nibiiaŋ, ni eloo ejwetri ni jara wa fɛɛ kɛtee. Ena jeŋbii bote Sɔlemɔ we lɛ, mɛi ni ogu amɛ owebii ateŋ futumɔ tete po lɛ.

Daniel 11:31

Ebaawo etabilɔi lɛ ekomɛi agbɛ koni amɛyabule Sɔlemɔ we Krɔŋkrɔŋ lɛ kɛ mɔɔ lɛ hu. Amɛbaagu daa gbi afɔlei ni ashãa lɛ, ni amɛkɛ amãgã ni buleɔ Sɔlemɔ we lɛ baama jɛi.

Daniel 9:17

No hewɔ lɛ, agbɛnɛ, wɔNyɔŋmɔ, bo otsulɔ sɔlemɔ kɛ faikpamɔ nɛɛ pɛ toi. Nuŋtsɔ, ohiɛ aba nyam ekoŋŋ yɛ ogbɛi lɛ hewɔ.

Daniel 9:27

Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Mika 1:3

Naa, Yehowa miije kpo kɛjɛ ehe krɔŋkrɔŋ lɛ, ni eeeyi shi ni ebanyiɛ shikpɔŋ lɛ nɔ gɔji lɛ anɔ.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Marko 11:17

Ni etsɔ̃ɔ amɛ nii ekɛɛ, “Ani aŋmako akɛ, ‘Aaatsɛ miwe lɛ jeŋmaji fɛɛ aSɔlemɔ we?’ Shi nyɛ lɛ nyɛkɛfee ojotswalɔi abu!”

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Yoshua 10:24

Be ni akɛ maŋtsɛmɛi nɛɛ je kpo kɛba Yoshua ŋɔ̃ɔ lɛ, Yoshua tsɛ Israel hii lɛ fɛɛ kɛbakpe. Kɛkɛ ni ekɛɛ tabilɔi ni kɛ lɛ tee ta lɛ anɔ asafoiatsɛmɛi lɛ akɛ, “Nyɛtsia nyɛbaa koni nyɛkɛ nyɛnaji abamãmɔa nɛkɛ maŋtsɛmɛi nɛɛ akuɛi anɔ.” Asafoiatsɛmɛi lɛ ba, ni amɛkɛ amɛnaji bamãmɔ maŋtsɛmɛi lɛ akuɛi anɔ.

Kpojiemɔ 11:2

Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.