Lalai 74:13 - ŊMALƐ KRƆŊKRƆŊ LƐ

¹³ Ogba ŋshɔ lɛ mli yɛ ohewalɛ naa; ojwara ŋshɔŋ bonsoi lɛ ayitsei.

Ṅmãle̱ Kroṅkroṅ Le̱

¹³ Bo noṅṅ *ogba ṅšo̱ le̱ mli ye̱ ohewale̱ nā, odſãra bonsoi ayitsei ye̱ nui le̱ amli. *2 Mose 14,21; 15,8-10.

Lalai 74:13 ပူးပေါင်းရင်းမြစ်များ

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 66:6

Ehã ŋshɔ tsɔ̃ shikpɔŋ gbiŋ, ni wɔblema tsɛmɛi lɛ nyiɛ nɔ kɛfo ŋshɔ lɛ. Jɛi wɔnya yɛ, yɛ nɔ ni efee lɛ hewɔ.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

2 Mose 14:28

Ŋshɔ lɛ ku esɛɛ ba, ni ebaha Farao shwiilii kɛ okpɔŋɔiatsɛmɛi kɛ eta muu lɛ fɛɛ ni tiu Israelbii lɛ kɛtee ŋshɔ lɛ mli lɛ nɔ; eshwɛɛɛ amɛteŋ mɔ kome tete po.

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Ezekiel 32:2

“Gbɔmɔ Adesa, ye Ijipt maŋtsɛ lɛ ŋkɔmɔ ni okɛɛ lɛ akɛ Obuɔ ohe akɛ jata ko yɛ majimaji lɛ ateŋ, shi moŋ, otamɔ báa yɛ faa mli, otswaa aŋmɔ yɛ onui lɛ amli, okɛ onaji taa nu mli ni okpɔtɔɔ fai lɛ.