Lalai 73:1 - ŊMALƐ KRƆŊKRƆŊ LƐ

¹ Lɛɛlɛŋ, Nyɔŋmɔ hi hã Israel; ehi ehã mɛi ni atsuiiaŋ tse lɛ.

Ṅmãle̱ Kroṅkroṅ Le̱

¹ Asaf lala. Le̱le̱ṅ, Nyoṅmo̱ hĩ hã Israel, hã mei ni tšuii amli tše le̱.

Lalai 73:1 ပူးပေါင်းရင်းမြစ်များ

1 Kronika 15:17

No hewɔ lɛ, Levibii lɛ famɔ Heman, Yoel bi lɛ, kɛ ewekunyo Asaf, Berekia bi lɛ, kɛ Etan, Kushaia bi lɛ hu yɛ Meraribii lɛ ateŋ;

1 Kronika 16:37

Kɛkɛ ni David shi Asaf kɛ enyɛmimɛi Levibii lɛ yɛ he ni Yehowa Kpãŋmɔ Adeka lɛ yɔɔ lɛ ni amɛkwɛ jamɔ ni ajaa yɛ he ni Kpãŋmɔ Adeka lɛ yɔɔ lɛ nɔ daa, bɔ ni gbi fɛɛ gbi nɔ jamɔ heɔ.

1 Kronika 16:7

Belɛ gbi nɛɛ ji klɛŋklɛŋ gbi ni David kɛ hegbɛ lɛ hã Asaf kɛ enyɛmimɛi Levibii nɛɛ akɛ amɛla kɛkafo Yehowa.

1 Kronika 6:39

Asaf ji lalatsɛ ni ji enyɔ ni edamɔɔ ninejurɔ gbɛ lɛ; nɛkɛ ji bɔ ni ewekukpãa kã shi hã kɛyashi Levi nɔ: Asaf tsɛ ji Berekia; ni Berekia tsɛ ji Shimea.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Lalai 24:4

Mɛi ni amɛdɛŋ bɛ esha ko ni amɛtsuii amli tse. Mɛi ni kɛ amɛgbɔmɔtsei hãaa yakayaka nifeemɔ, ni amɛkãaa amale kitã.

Lalai 42:11

Oo misusuma, mɛɛba ofee mɔbɔmɔbɔ yɛ mimli nɛkɛ? Ni mɛɛ yeyeeye ofee yɛ mimli nɛɛ? Okɛ ohiɛ afɔ̃ Nyɔŋmɔ nɔ, ejaakɛ majie eyi ekoŋŋ kɛ̃, mɔ ni ji miyelikɛbualɔ kɛ miNyɔŋmɔ lɛ.

Lalai 50:1

Nyɔŋmɔ, Yehowa Ofe lɛ, miiwie, ni eetsɛ shikpɔŋ lɛ kɛmiijɛ hulu shiteehe kɛyaashi eshinyɔɔhe.

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Lalai 73:18

Lɛɛlɛŋ akɛ okɛ amɛ eto hei ni shamɔɔ trotro; ohãa amɛtswiaa shi, ni amɛhiɛ kpãtãa.

Lalai 83:1

Oo Naa Nyɔŋmɔ, kaafee dioo! Kaamua onaa, ni kaafee kpoo, Naa Nyɔŋmɔ!

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Mateo 5:8

“Ajɔɔ mɛi ni tsuii amli tse lɛ; shi amɛaana Nyɔŋmɔ.”

Luka 12:32

“Kaashe gbeyei, kuu bibioo; ejaakɛ nyɛTsɛ lɛ yɛ he tsuijurɔ akɛ eeeŋɔ maŋtsɛyeli lɛ ehã nyɛ.

Yohane 1:47

Yesu na Natanael miiba eŋɔɔ, ni ekɛɛ yɛ ehe akɛ, “Naa anɔkwa Israelnyo, mɔ mli ni apasa bɛ lɛ.”

Romabii 4:16

Enɛ hewɔ ejɛ hemɔkɛyeli mli lɛ, bɔ ni afee ni shiwoo lɛ afee dromɔ sane, ni ama shi shiŋŋ ahã eshwiei lɛ fɛɛ, ni jeee Mla shishibii lɛ kɛkɛ, shi moŋ mɛi ni jɛ Abraham, ni ji wɔ fɛɛ wɔtsɛ lɛ, hemɔkɛyeli lɛ mli lɛ hu;

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.