Lalai 72:4 - ŊMALƐ KRƆŊKRƆŊ LƐ

⁴ Efã maŋbii ohiafoi lɛ ahe, ehere ohiafoi ayiwala; ni wieyelɔ lɛ, ekpãtã ehiɛ butubutu.

Ṅmãle̱ Kroṅkroṅ Le̱

⁴ Eeye maṅbii le̱ ateṅ nõnalo̱i le̱ asane ehãame̱, ni eehere ohĩafoi abii ayiwala, ni eekūmo̱ w̌eiyelo̱ dukuduku. K. 12.

Lalai 72:4 ပူးပေါင်းရင်းမြစ်များ

Hiob 19:2

“Mɛɛ beyinɔ nyɛaagba minaa, ni nyɛkɛ wiemɔ aaasu mitsui kɛaayashi?

Hiob 34:24

Ekpãtãa hewalɔi ahiɛ ni etaooo amɛsaji amli, ni eholeɔ mɛi krokomɛi etoɔ amɛnajiaŋ.

Lalai 109:31

ejaakɛ lɛ efãa ohiafo he, ni ehereɔ eyiwala kɛjɛɔ mɛi ni buɔ lɛ gbele fɔ lɛ adɛŋ.

Lalai 2:9

Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

Lalai 94:5

Oo Yehowa, amɛmiinaanaa owebii lɛ anɔ, ni amɛmiipiŋ omɛi lɛ.

Abe̱i 20:26

Maŋtsɛ nilelɔ shaa efɔŋfeelɔi amli, ni ekɛ shwiili nane tsɔ̃ɔ amɛnɔ kɛgbɛlɛɔ amɛ.

Yesaia 11:4

Shi moŋ eeekojo ohiafoi lɛ yɛ jalɛ naa; ni eeebu shikpɔŋ lɛ nɔ humii lɛ atɛŋ yɛ jalɛ naa. Ekɛ edaaŋ wiemɔ aaaplene shikpɔŋ lɛ nɔ bii, ni ekɛ emumɔ lɛ aaagbe mɔ fɔŋ lɛ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 42:3

Glã ni edɔ lɛ, ekuŋ, ni kane ni tsoɔ sulii lɛ, egbeŋ; eeejie jalɛ kpo anɔkwayeli mli.

Yesaia 9:4

Ejaakɛ amɛkɔŋtso ni tsɔ̃ jatsu lɛ, kɛ amɛkpalamɔ tso lɛ kɛ amɛnɔyelɔ lɛ dɛŋ kpãa lɛ okumɔ fɛɛ mli, tamɔ ofee Midian ta lɛ.

Zakaria 11:11

Hewɔ lɛ aku kpãŋmɔ lɛ mli nakai gbi lɛ nɔŋŋ. Ni too jarayelɔi lɛ ni kwɛɔ mi lɛ nu shishi akɛ Yehowa wiemɔ naanii ni.

Zakaria 11:7

“Hewɔ lɛ mitsɔ̃ toi ni abaagbe ahã tookwɛlɔi nɛɛ akwɛlɔ. Mikɔlɔ kplamɔtsei enyɔ. Miwo ekome gbɛi akɛ, ‘Dromɔ’ kɛ ekome hu akɛ, ‘Ekomefeemɔ!’ Nomɛi mikɛkpalaa tooku lɛ.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 18:24

Ni emli ana gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ ala lɛ yɛ.

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”