Lalai 72:12 - ŊMALƐ KRƆŊKRƆŊ LƐ

¹² Ejaakɛ ekpɔ̃ɔ mɔ ni efĩ lɛ kɛji ebolɔ etsɛ lɛ lɛ, ekpɔ̃ɔ ohiafo kɛ mɛi ni bɛ yelikɛbualɔ ko.

Ṅmãle̱ Kroṅkroṅ Le̱

¹² Edšake̱ eedšie ohĩafoi ní blo̱ö̱ le̱, ke̱ nõnalo̱ ni be̱ bualo̱ le̱. Hiob 36,15. Lal. 35,10.

Lalai 72:12 ပူးပေါင်းရင်းမြစ်များ

2 Samuel 14:16

Ejaakɛ mile faŋŋ akɛ maŋtsɛ aaabo mi toi, ni eeejie mi yɛ nuu ni taoɔ akɛ ejie mi kɛ mibi lɛ fɛɛ yɛ shikpɔŋ ni Nyɔŋmɔ kɛhã ewebii lɛ nɔ lɛ dɛŋ.

Hiob 29:12

Ejaakɛ mihereɔ ohiafo ni foɔ kɛ awusã ni bɛ bualɔ lɛ.

Hiob 36:15

Nyɔŋmɔ tsɔseɔ gbɔmɔ kɛtsɔ̃ɔ amanehulu nɔ, ni ekɛ nɔnaa gbeleɔ mɔ hiŋmɛi.

Lalai 10:17

Oo Yehowa, oboɔ humii asɔlemɔ toi; owoɔ amɛ hewalɛ; ni obaa otoi shi ohãa mi,

Lalai 102:17

Eeegboo etoi shi ehã shitswialɔi asɔlemɔ; ni enyaŋeŋ amɛfaikpamɔ lɛ.

Lalai 102:20

Koni ebo gboklɛfoi lɛ akɛ̃ɛmɔ toi koni ekpɔ̃ mɛi ni abu amɛ gbele fɔ lɛ.

Lalai 55:17

Leebi kɛ shwane kɛ gbɛkɛ fɛɛ lɛ, mikɛ miwerɛho lɛ aaaŋmɛ ehiɛ kɛ kɛ̃ɛmɔ, ni eeebo mi toi.

Lalai 72:4

Efã maŋbii ohiafoi lɛ ahe, ehere ohiafoi ayiwala; ni wieyelɔ lɛ, ekpãtã ehiɛ butubutu.

Abe̱i 29:7

Jalɔ le ohiafoi agbɛnaa; shi mɔ fɔŋ lɛ, enuuu ohiafoi agbɛnaa nɛɛ shishi.

Jajelɔ 4:1

Asaŋ mikwɛ yiwalɛ nibii ni afeɔ yɛ je lɛ mli lɛ. Naa yaafonui jwere mɛi ni awaa amɛ yi lɛ ahiɛ, shi amɛbɛ mɔ ko ni shɛjeɔ amɛmii. Mɛi ni waa amɛ yi lɛ yɛ hewalɛ ko yɛ amɛsɛɛ, ni mɔ ko bɛ ni shɛjeɔ amɛmii.

Yesaia 41:17

“Kɛji ohiafoi kɛ mɛi ni efi amɛ ye nu he kumai, shi nu bɛ, ni amɛlilɛii anɔ gbi kɛ kumai lɛ, Mi, Yehowa, mibabo amɛ toi, kɛji amɛtsɛ mi. Mi, Israel Nyɔŋmɔ lɛ, mikwaŋ amɛ.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Luka 7:22

Ni Yesu to he ni ekɛɛ amɛ akɛ, “Nyɛyaa ni nyɛyagbaa Yohane nibii ni nyɛna ni nyɛnu lɛ, akɛ shwilafoi miina nii, obubuafoi miinyiɛ, kpitiyelɔi ahe miitse, toimulɔi miinu nii, gbohii miite shi, ni aajaje Sanekpakpa lɛ aatsɔ̃ɔ ohiafoi.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.