Lalai 72:10 - ŊMALƐ KRƆŊKRƆŊ LƐ

¹⁰ Tarshish kɛ ŋshɔkpɔi lɛ anɔ maŋtsɛmɛi aaatsu onia abahã lɛ. Sheba kɛ Seba maŋtsɛmɛi aaabake nii.

Ṅmãle̱ Kroṅkroṅ Le̱

¹⁰ Taršiš ke̱ ṅso̱kpo̱i le̱ ano̱ maṅtše̱mei le̱ aatšũ onĩa; Šeba ke̱ Seba maṅtše̱mei le̱ aabake nii. Lal. 68,30. Ies. 60,9.

Lalai 72:10 ပူးပေါင်းရင်းမြစ်များ

1 Mose 10:7

Kush shwiei ji Sebabii kɛ Hawilabii kɛ Sabtabii, kɛ Raamabii kɛ Sabtekabii; Raama shwiei ji Shebabii kɛ Dedanbii.

1 Maŋtsɛmɛi 10:1

Be ni Sheba maŋnyɛ lɛ nu bɔ ni Maŋtsɛ Solomon gbɛi ehehee yɛ Yehowa gbɛi lɛ hewɔ lɛ, efã gbɛ kɛtee Yerusalɛm, koni eyaka lɛ kɛ saji ni mli wa naakpa.

1 Maŋtsɛmɛi 10:10

Agbɛnɛ Sheba Maŋnyɛ lɛ hã Maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ, kɛ tsofaikɛŋma pii diɛŋtsɛ kɛ tɛi ni jara wa. Kɛjɛ nomɛi asɛɛ lɛ akɛ tsofaikɛŋma lɛ eko bako dɔŋŋ ni fa babaoo tamɔ nɔ ni Sheba Maŋnyɛ lɛ kɛbahã Maŋtsɛ Solomon lɛ.

1 Maŋtsɛmɛi 10:2

Maŋnyɛ Sheba kɛ asafo yuu diɛŋtsɛ ba Yerusalɛm lɛ. Ekɛ yoomai ni tere tsofaikɛŋmai kɛ shika babaoo diɛŋtsɛ kɛ tɛi ni jara wa ba. Be ni ebashɛ Maŋtsɛ Solomon hiɛ lɛ, ebibii Maŋtsɛ lɛ saji babaoo ni ba eyitsoŋ.

1 Maŋtsɛmɛi 10:25

Mɔ fɛɛ mɔ ni ba lɛ hiɛ keenii ko kɛba; jwiɛtɛi nibii kɛ shika nibii, atadei wuyawuyaa kɛ tawuu nii kɛ tsofakɛŋmai kɛ okpɔŋɔi kɛ tejiokpɔŋɔi. Daa afi akɛ nibii nɛɛ baa.

2 Kronika 9:21

Ejaakɛ eyɛ lɛji ni fata Maŋtsɛ Huram lɛji lɛ ahe kɛyaa Tarshish kɛbaa. Daa afii etɛ̃ lɛ Solomon lɛji lɛ jɛɔ Tarshish baa ni amɛhiɛ shika kɛ jwiɛtɛi kɛ shuɔwu kɛ ofoi kɛ aŋfraŋi.

Ester 10:1

Maŋtsɛ Ahashwerosh tsu enɔyeli shikpɔŋ lɛ nɔ bii lɛ onia kɛjɛ ŋshɔnaa aahu kɛyagbee koiasɛɛ tɔ̃ɔ.

Lalai 45:12

Tirobii kɛ maŋ lɛŋ niiatsɛmɛi lɛ tete kɛ nikeenii aaaba koni amɛkɛtao ohiɛ gbɛ?

Lalai 68:29

OSɔlemɔ we ni yɔɔ Yerusalɛm lɛ hewɔ lɛ, maŋtsɛmɛi tereɔ nikeenii amɛkɛbahãa bo.

Lalai 68:30

Kã Ijipt hiɛ; nakai ŋaŋ kooloo ni hɔ glãi lɛ amli lɛ. Kã majimaji lɛ ni lɛɔ tsina hii kɛ tsinabii lɛ kɛyashi amɛ fɛɛ amɛaakoto bo, ni amɛkɛ amɛjwiɛtɛi aaahã bo. Gbɛɛ majimaji lɛ ni sumɔɔ ta lɛ oshwã.

Yesaia 42:10

Nyɛlaa lala hee nyɛhãa Yehowa; nyɛlaa nyɛkɛjiea eyi kɛjɛ shikpɔŋ lɛ naagbeehei lɛ! Nyɛjiea eyi, nyɛ mɛi ni nyɛnyiɛɔ ŋshɔ hiɛ; nyɛjiea eyi, nyɛ ŋshɔ mli bɔɔnii fɛɛ! Nyɛlaa, nyɛ ŋshɔ naa shikpɔji, ni nyɛ mɛi ni nyɛyɔɔ ŋshɔ naa shikpɔji lɛ anɔ hu, nyɛjiea eyi!

Yesaia 42:4

Enitsumɔ naa baŋ shi, ni enijiaŋ ejeŋ wui kɛyaashi beyinɔ ni eeehã jalɛ saneyeli amã shi yɛ shikpɔŋ lɛ nɔ. Ŋshɔnaa maji lɛ miikwɛ emla gbɛ.”

Yesaia 43:3

Ejaakɛ mi ji Yehowa, oNyɔŋmɔ lɛ, Israel Mɔ Krɔŋkrɔŋ, oYiwalaherelɔ lɛ. Miŋɔ Ijipt miha akɛ okpɔmɔnii; miŋɔ Kush kɛ Sheba miha mikɛtsake bo.

Yesaia 43:6

Makɛɛ kooyigbɛ akɛ, ‘Ŋmɛɛmɔ amɛhe!’ Ni makɛɛ wuoyigbɛ akɛ, ‘Kaatsi amɛnaa;’ ŋɔɔ mibihii lɛ kɛjɛ shɔŋŋ kɛ mibiyei lɛ kɛjɛ shikpɔŋ lɛ naagbeehei kɛba,

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 60:3

Ni maji aaatsi kɛbɛŋkɛ ola lɛ, ni maŋtsɛmɛi aaaba ola ni kpɛɔ yɛ onɔ lɛ he.

Yesaia 60:6

Yoomai asafo yuu aaabua ohe kutuu, ni ji Midian kɛ Efa yoomai oblahii lɛ. Amɛaatere shika kɛ krɔbɔo kɛaajɛ Sheba kɛaaba; ni mɛi aaagba nɔ ni Yehowa efee lɛ he sane kɛ ŋɔɔmɔ lɛ.

Yesaia 60:9

Lɛji ni jɛ maŋsɛɛ shikpɔji anɔ ni kɛ Nyɔŋmɔ webii miiba ni. Amɛkɛ obihii lɛ kɛ amɛjwiɛtɛii kɛ amɛshika miiba kɛbawo Yehowa, oNyɔŋmɔ lɛ, ni ji Israel Mɔ Krɔŋkrɔŋ lɛ, gbɛi lɛ hiɛ nyam; ejaakɛ eha ohiɛ eba nyam.

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.