Lalai 71:5 - ŊMALƐ KRƆŊKRƆŊ LƐ

⁵ Oo Nuŋtsɔ, ejaakɛ bo ji mihiɛnɔkãmɔ. Oo Yehowa, bo onɔ mikɛ mihiɛ efɔ̃ kɛjɛ miblahiaŋ.

Ṅmãle̱ Kroṅkroṅ Le̱

⁵ Edšake̱ bo, Nuṅtšo̱ Iehowa, dši mi-hĩeno̱kãmo̱, bo ono̱ mike̱ mihĩe fõ ke̱-dše̱ miblahĩaṅ.

Lalai 71:5 ပူးပေါင်းရင်းမြစ်များ

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

Lalai 119:166

Oo Yehowa, mihiɛ kã oyiwalaheremɔ lɛ nɔ; ni miyeɔ okitãi lɛ anɔ.

Lalai 119:81

Misusuma miiye oyiwalaheremɔ lɛ he kumai, ejaakɛ mihiɛ kã owiemɔ lɛ nɔ.

Lalai 13:5

Shi mi lɛ, osuɔmɔ ni tsakeee lɛ nɔ mihiɛ kã. Manya kɛ mitsui fɛɛ, ejaakɛ obaahere miyiwala.

Lalai 39:7

“Ni agbɛnɛ, Nuŋtsɔ, mɛni mimɛɔ? Mihiɛnɔkãmɔ fɛɛ ji bo.

Lalai 42:11

Oo misusuma, mɛɛba ofee mɔbɔmɔbɔ yɛ mimli nɛkɛ? Ni mɛɛ yeyeeye ofee yɛ mimli nɛɛ? Okɛ ohiɛ afɔ̃ Nyɔŋmɔ nɔ, ejaakɛ majie eyi ekoŋŋ kɛ̃, mɔ ni ji miyelikɛbualɔ kɛ miNyɔŋmɔ lɛ.

Lalai 71:17

Oo Naa Nyɔŋmɔ, otsɔ̃ɔ mi nii kɛjɛ miblahiaŋ; ni miijaje onaakpɛɛ nitsumɔi lɛ lolo.

Jajelɔ 12:1

Kaimɔ obɔlɔ lɛ yɛ oblahiiaŋ, be ni gbii fɔ̃ji lɛ kɛ afii fɔ̃ji lɛ nako ashɛ, be mli ni obaakɛɛ akɛ, “Jeŋshihilɛ eŋɔɔɔ” lɛ.

Yeremia 14:8

Ao! Israel hiɛnɔkãmɔ, bo ni ohereɔ eyiwala yɛ fimɔ be mli, mɛɛba ofee tamɔ gbɔ yɛ shikpɔŋ lɛ nɔ, loo tamɔ gbɛnyiɛlɔ ni gbaa eyatoɔ gbɛkɛ toohe nɛɛ?

Yeremia 17:13

Ao! Yehowa, bo Israel hiɛnɔkãmɔ, mɛi fɛɛ ni kwaa bo lɛ ahiɛ baagboi; mɛi ni kpaleɔ yɛ osɛɛ lɛ agbɛi aaalaaje tamɔ nɔ ni aŋma yɛ mlu mli, ejaakɛ amɛshi Yehowa ni ji wala nubu lɛ sɛɛ.”

Yeremia 17:17

Kaawo mihe gbeyei, ejaakɛ gbi fɔŋ lɛ nɔ lɛ bo ji mibobaahe.

Yeremia 17:7

Ajɔɔ gbɔmɔ ni kɛ ehiɛ fɔ̃ɔ Yehowa nɔ, mɔ ni Yehowa ji ehiɛnɔkãmɔ.

Yeremia 50:7

Mɛi fɛɛ ni naa amɛ lɛ kpãtãa amɛhiɛ, ni amɛhenyɛlɔi lɛ kɛɔ akɛ, ‘Wɔyeee fɔ, ejaakɛ amɛfee esha amɛshi Yehowa, mɔ ŋɔɔ ni amɛshihilɛhe diɛŋtsɛ yɔɔ lɛ, ni ji amɛtsɛmɛi lɛ ahiɛnɔkãmɔ lɛ.’

Luka 2:40

Ni gbekɛ Yesu lɛ bada, ni ehe wa, ni eyi obɔ̃ kɛ nilee, ni Nyɔŋmɔ dromɔ yɛ enɔ.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

2 Timoteo 3:15

ni ogbekɛbiiashi ojɛ ole Ŋmalɛi Krɔŋkrɔŋi lɛ, ni aaanyɛ ahã ole nii hã yiwalaheremɔ kɛtsɔ̃ Yesu Kristo nɔ hemɔkɛyeli nɔ.

1 Samuel 16:13

Samuel wo mu kɛ koŋ lɛ, ni efɔ David mu yɛ enyɛmimɛi lɛ ateŋ. Kɛjɛ nakai gbi lɛ nɔ lɛ, Yehowa mumɔ lɛ yi David nɔ! Kɛkɛ ni Samuel te shi, ni eyiŋ etee Rama.