Lalai 71:21 - ŊMALƐ KRƆŊKRƆŊ LƐ

²¹ Ooohã minunyam afa, ni oooshɛje mimii ekoŋŋ.

Ṅmãle̱ Kroṅkroṅ Le̱

²¹ Hã migbodšē le̱ afá, ni otšṍ ohe oše̱dše mimī.

Lalai 71:21 ပူးပေါင်းရင်းမြစ်များ

2 Samuel 3:1

Saul we lɛ kɛ David we lɛ wu ta be babaoo diɛŋtsɛ. David hewalɛ tee nɔ shwere; shi Saul we lɛ, gbɔjɔmɔ moŋ etee nɔ egbɔjɔ.

Lalai 18:35

Oo Yehowa, okɛ oyiwalaheremɔ tsɛŋ lɛ ehere miyiwala; ni ohewalɛ hiɛ mimli, ni oyibaamɔ lɛ ehã mije agbo.

Lalai 23:4

Asaŋ kɛ minyiɛ gbele hɔ̃ɔŋ jɔɔ lɛŋ tete lɛ, misheŋ efɔŋ ko gbeyei, ejaakɛ okɛ mi yɛ. Otookplamɔtso kɛ odɛhiɛmɔtso lɛ, nomɛi shɛjeɔ mimii.

Lalai 32:10

Piŋmɔi babaoo yɛ hã mɔ fɔŋ lɛ; shi mɔ ni hiɛ kã Yehowa nɔ lɛ, suɔmɔ ni sɛɛ efooo ebɔle ehe kɛkpe.

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 86:17

Too mi suɔmɔ ni okɛsumɔɔ mi lɛ he okadi ko, koni mɛi ni nyɛɔ mi lɛ ana, ni amɛhiɛ agboi; ejaakɛ bo, Yehowa, oye obua mi, ni oshɛje mimii.

Yesaia 12:1

Be ko miiba, ni nakai gbi lɛ obaala okɛɛ akɛ, “Yehowa, miida bo shi, ejaakɛ omlifu mi moŋ, shi omlifu lɛ enaa ejɔ, ni oshɛje mimii.

Yesaia 49:13

“Ŋwɛi, lá kɛ miishɛɛ! Shikpɔŋ, bɔɔ oshe kɛ nyamɔ! Gɔji, nyɛlaa nyamɔ lala! Ejaakɛ Yehowa eshɛje emaŋ lɛ mii; ni emɛi ni nii yɔɔ mɔbɔ lɛ, emusuŋ aaatsɔ̃ lɛ yɛ amɛhe.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

2 Korintobii 7:13

Enɛ hewɔ lɛ, wɔmii eshɛ. Shi miishɛɛ ni wɔna yɛ Tito miishɛɛ lɛ he lɛ hã wɔmiishɛɛ lɛ tɛke nɔ babaoo, ejaakɛ nyɛ fɛɛ nyɛhã etsui enyɔ emli,

2 Korintobii 7:6

Shi Nyɔŋmɔ, mɔ ni shɛjeɔ mɛi ni baa amɛhe shi lɛ amii lɛ, kɛ Tito baa lɛ shɛje wɔmii;

1 Tesalonikabii 3:9

Ejaakɛ mɛɛ shidaa po wɔɔnyɛ wɔkɛda Nyɔŋmɔ yɛ nyɛ hewɔ yɛ miishɛɛ fɛɛ ni wɔna yɛ nyɛhe yɛ wɔNyɔŋmɔ lɛ hiɛ lɛ hewɔ?

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”