Lalai 7:6 - ŊMALƐ KRƆŊKRƆŊ LƐ

⁶ Oo, Yehowa, tee shi kɛ mlila, wo ohe nɔ yɛ mihenyɛlɔi lɛ agirimɔ lɛ hewɔ; Oo miNyɔŋmɔ, ohiɛ atsɛ̃; bo ni oto kojomɔ ofɔ shi.

Ṅmãle̱ Kroṅkroṅ Le̱

⁶ no le̱ hã henye̱lo̱ le̱ atiu misusuma ní eninale̱, ni enānā miwala no̱ ye̱ šikpoṅ hũ, ni minumnyam le̱ eše̱ efõ sũ mli! (Sela.)

Lalai 7:6 ပူးပေါင်းရင်းမြစ်များ

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

Lalai 103:6

Yehowa kojoɔ, ni eyeɔ jalɛ sane ehãa mɛi ni ayeɔ amɛ amim.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 138:7

Kɛji minyiɛ haomɔ mli lɛ, ohãa miyi naa wala. Kɛji mihenyɛlɔi amli fu mi lɛ, owoɔ onine nɔ yɛ amɛnɔ, ni okɛ ohewalɛ lɛ hereɔ miyiwala.

Lalai 143:3

Ejaakɛ henyɛlɔ lɛ etiu mi, ekpãtã miwala hiɛ kɛmɔ shi; ehã mita duŋ mli tamɔ mɛi ni egboi jeeŋmɔ lɛ.

Lalai 3:7

Oo Yehowa, tee shi, miNyɔŋmɔ, baahere miyiwala, ejaakɛ bo otswiaa mihenyɛlɔi anii; ni okumɔɔ amɛnyanyɔji owoɔ amɛdaaŋ.

Lalai 35:1

Oo Yehowa, okɛ mɛi ni kɛ mi ena lɛ ana; okɛ mɛi ni kɛ mi wuɔ lɛ awu!

Lalai 35:23

MiNyɔŋmɔ kɛ miNuŋtsɔ, kojomɔ ohã mi. Wo ohe nɔ ni oye misane lɛ ohã mi.

Lalai 44:23

Oo Nuŋtsɔ, tee shi, mɛɛba owɔɔ? Ohiɛ atsɛ̃, kaashɛrɛ wɔ oshwie kɛmiiya naanɔ.

Lalai 44:26

Tee shi ni obaye obua wɔ. Yɛ osuɔmɔ ni tsakeee lɛ hewɔ lɛ heremɔ wɔyiwala.

Lalai 59:5

Yehowa, bo Nyɔŋmɔ Taiatsɛ, bo ji Israel Nyɔŋmɔ. Wo ohe nɔ koni ogbala maji fɛɛ atoi; kaana efɔŋfeelɔi kutumpɔfoi lɛ ekoeko kwraa mɔbɔ.

Lalai 73:20

Amɛtamɔ lamɔ ni alaa. Kɛji hiɛ tsɛ̃ kɛjɛ wɔ lɛ mli lɛ, amɛjeee fɛifɛi dɔŋŋ.

Lalai 74:3

Dɔɔ ohe kɛya naanɔ amaŋfɔ̃i lɛ amli. Henyɛlɔ lɛ efite nibii fɛɛ ni yɔɔ He Krɔŋkrɔŋ lɛŋ lɛ.

Lalai 78:65

Kɛkɛ ni Nuŋtsɔ lɛ te shi, tamɔ mɔ ko ni jɛ wɔ mli, oookɛɛ kãkãlɔ ni dãa eba ehiɛ.

Yesaia 3:13

Yehowa eho eta esɛi nɔ, ni ekɛ ewebii lɛ baaye sane.

Yesaia 33:10

Yehowa kɛɛ akɛ, “Agbɛnɛ, mibate shi! Agbɛnɛ mibawo mihe nɔ! Agbɛnɛ abaawo minɔ!

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Yesaia 51:9

Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?