Lalai 69:18 - ŊMALƐ KRƆŊKRƆŊ LƐ

¹⁸ Tsi obɛŋkɛ mi ni okpɔ̃ mi; mihenyɛlɔi ahewɔ lɛ, heremɔ mi.

Ṅmãle̱ Kroṅkroṅ Le̱

¹⁸ Ni oke̱ ehĩe akatē otšũlo̱, edšake̱ efīmi; heremo̱mi no̱ oyá!

Lalai 69:18 ပူးပေါင်းရင်းမြစ်များ

Hiob 6:23

Aloo nyɛhere mi yɛ henyɛlɔ lɛ dɛŋ, aloo nyɛkpɔ̃ mi yɛ yiwalɔi adɛŋ?

Lalai 10:1

Oo Yehowa, mɛɛba okɛ mi teŋ ejekɛ nɛkɛ? Mɛɛba otee ohe yɛ fimɔ bei amli nɛɛ?

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 143:7

Oo Yehowa, heremɔ mi nɔ oya; mimumɔ miitɔ biti; kaaŋɔ ohiɛ otee mi, kɛjee nakai lɛ, matamɔ mɛi ni kpelekeɔ shi kɛyaa gbohiiaje lɛ.

Lalai 22:1

MiNyɔŋmɔ, miNyɔŋmɔ, mɛɛba okwa mi? Mɛɛba okɛ miyelikɛbuamɔ teŋ jɛkɛ nɛkɛ? Mɛɛba okɛ mikɛ̃ɛmɔ teŋ jɛkɛ nɛkɛ?

Lalai 22:12

Henyɛlɔi babaoo ebɔle mi kɛkpe kpula, tamɔ tsina hii, amɛtamɔ Bashan tsina hii hewalɔi, ni efo sa ewo mihe.

Lalai 22:19

Oo Yehowa, kaahi sɛɛ shɔŋŋ. Oo, bo mihewalɛ, feemɔ oya ni oye obua mi.

Lalai 22:20

Jiemɔ misusuma kɛjɛ klante naa gbele mli, heremɔ miyiwala kɛjɛ shifɔji lɛ adɛŋ.

Lalai 27:9

Kaaŋɔ ohiɛ otee mi. Kaashwie otsulɔ yɛ mlifu naa. Bo ji miyelikɛbualɔ. Kaashɛ mi ofɔ̃, ni kaakwa mi hu, miyiwalaheremɔ Nyɔŋmɔ.

Lalai 31:5

Miitu mimumɔ miiwo bo odɛ̃ŋ, ejaakɛ bo okpɔ̃ mi. Oo Yehowa, bo Nyɔŋmɔ anɔkwafo.

Lalai 49:15

Shi mi lɛ, Nyɔŋmɔ aaakpɔ̃ misusuma kɛjɛ gbohiiaje hewalɛ dɛŋ. Ejaakɛ eeehe mi eto.

Yeremia 14:8

Ao! Israel hiɛnɔkãmɔ, bo ni ohereɔ eyiwala yɛ fimɔ be mli, mɛɛba ofee tamɔ gbɔ yɛ shikpɔŋ lɛ nɔ, loo tamɔ gbɛnyiɛlɔ ni gbaa eyatoɔ gbɛkɛ toohe nɛɛ?

Yāfó 3:57

Be ni mitsɛ bo lɛ, otsi obɛŋkɛ, ni okɛɛ akɛ, ‘Kaashe gbeyei!’

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”