Lalai 66:7 - ŊMALƐ KRƆŊKRƆŊ LƐ

⁷ Eeye maŋtsɛ kɛ hewalɛ kɛmiiya naanɔ, ni ehiŋmɛii kã majimaji fɛɛ ahe. Atuatselɔi akawo amɛhe nɔ!

Ṅmãle̱ Kroṅkroṅ Le̱

⁷ Eke̱ ehewale̱ mīye maṅtše̱ ke̱-mīya nāno̱; ehĩṅme̱i kā dšeṅmãdši le̱ ahe: atũatselo̱i akawó ame̱he no̱! (Sela.)

Lalai 66:7 ပူးပေါင်းရင်းမြစ်များ

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Lalai 11:4

Yehowa yɛ eSɔlemɔ we krɔŋkrɔŋ lɛŋ, Ŋwɛi emaŋtsɛ Sɛi lɛ ma. Ehiŋmɛi jwere nɔ ni gbɔmɛi adesaiabii feɔ lɛ nɔ.

Lalai 140:8

Oo Yehowa, kaahã mɔ fɔŋ nine shɛ nɔ ni eshweɔ lɛ nɔ; ni kaahã eyiŋtoo fɔŋ lɛ miiba mli miihã lɛ.

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Lalai 33:13

Yehowa jɛɔ ŋwɛi ekwɛɔ, ni enaa gbɔmɛi abii fɛɛ.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Lalai 75:6

Ejaakɛ kojomɔ jɛɛɛ bokãgbɛ lɛ, ejɛɛɛ anaigbɛ; asaŋ ejɛɛɛ ŋanɔgbɛ hu ebaaa.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]