Lalai 66:3 - ŊMALƐ KRƆŊKRƆŊ LƐ

³ Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Ṅmãle̱ Kroṅkroṅ Le̱

³ Nyekē̱a Nyoṅmo̱ ake̱: Onitšumo̱i le̱ ye̱ gbeyei pi! Ohewale̱ le̱ dale̱ nā le̱ ohenye̱lo̱i le̱ aaba amehe ši ame̱hão.

Lalai 66:3 ပူးပေါင်းရင်းမြစ်များ

Hiob 25:2

“Nyɔŋmɔ dɛŋ hewalɛ fɛɛ yɔɔ, mɛi fɛɛ ashe lɛ gbeyei; ehã toiŋjɔlɛ ehe shi yɛ eŋwɛi maŋtsɛyeli lɛ mli.

Lalai 18:44

Maŋsɛɛbii ba amɛhe shi amɛhã mi; amrɔ nɔŋŋ ni amɛaanu mihe lɛ, amɛkotoɔ mi.

Lalai 18:45

Maŋsɛɛbii atsui fã, ni amɛkɛ hekpokpomɔ je kpo kɛjɛ amɛmɔji lɛ amli kɛba.

Lalai 47:2

Ejaakɛ Yehowa, mɔ ni yɔɔ ŋwɛi flooflo lɛ, ehe yɛ gbeyei. Maŋtsɛ kpele ji lɛ yɛ shikpɔŋ lɛ nɔ fɛɛ.

Lalai 65:5

Oo wɔyiwalaheremɔ Nyɔŋmɔ, otsɔ̃ɔ onifeemɔ nii ni yɔɔ gbeyei anɔ ohereɔ wɔyiwala! Bo ji shikpɔŋ koji ejwɛ lɛ nɔ gbɔmɛi kɛ ŋshɔ sɛɛ gbɔmɛi fɛɛ ahiɛnɔkãmɔ.

Lalai 68:30

Kã Ijipt hiɛ; nakai ŋaŋ kooloo ni hɔ glãi lɛ amli lɛ. Kã majimaji lɛ ni lɛɔ tsina hii kɛ tsinabii lɛ kɛyashi amɛ fɛɛ amɛaakoto bo, ni amɛkɛ amɛjwiɛtɛi aaahã bo. Gbɛɛ majimaji lɛ ni sumɔɔ ta lɛ oshwã.

Lalai 76:12

lɛ mɔ ni ebaa lumɛi ashi, ni ehãa shikpɔŋ lɛ nɔ maŋtsɛmɛi sheɔ lɛ gbeyei lɛ.

Lalai 81:15

Mɛi ni nyɛɔ Yehowa lɛ, aaaba abakoto lɛ, ni amɛtoigbalamɔ lɛ aaakã he aya nɔ kɛaatee naanɔ tɔ̃ɔ.

2 Mose 15:21

Miriam wo lala ekɛɛ, “Nyɛlaa nyɛhãa Yehowa ejaakɛ eye kunim kɛwo ehiɛ nyam; etsirɛ okpɔŋɔ kɛ enɔtalɔ lɛ ewo ŋshɔŋ.”

Yesaia 2:19

Gbi nɔ ni Yehowa aaaba ebahoso shikpɔŋ lɛ, gbɔmɛi baabote tɛsaa tɛkploi kɛ shikpɔŋ bui amli koni amɛtee amɛhe yɛ Yehowa he gbeyei kɛ egbojee anunyam lɛ hewɔ.

Yesaia 25:3

No hewɔ lɛ, maŋ ko ni he wa baawo ohiɛ nyam; ni yiwalɔi amaji lɛ baashe bo gbeyei.

Yesaia 40:26

Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 64:3

Be ni ofee naakpɛɛnii ni yɔɔ gbeyei ni wɔhiɛ kãaa nɔ lɛ, okpeleke shi, ni gɔji lɛ kpokpo yɛ ohiɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.