Lalai 57:1 - ŊMALƐ KRƆŊKRƆŊ LƐ

¹ Naa mi mɔbɔ! Oo Nyɔŋmɔ, naa mi mɔbɔ, ejaakɛ bo abo misusuma baa nɛɛ. Ofiji ashishi hɔ̃ɔŋ lɛ mli maba abo yɛ kɛyaashi hiɛkpãtãmɔ ahum lɛ aaaho.

Ṅmãle̱ Kroṅkroṅ Le̱

¹ David lala ní eṅmã ní eke̱-hã lalatše̱ nukpa le̱, ní ake̱ “kãkpãtã hĩe!” gbe ala; ela heni *edšo foi ye̱ Saul hĩe ni eyo̱ te̱kplo le̱ mli le̱. *1 Sam. 22,1.

Lalai 57:1 ပူးပေါင်းရင်းမြစ်များ

Lalai 125:1

Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

Lalai 13:5

Shi mi lɛ, osuɔmɔ ni tsakeee lɛ nɔ mihiɛ kã. Manya kɛ mitsui fɛɛ, ejaakɛ obaahere miyiwala.

Lalai 142:1

Miiwo migbee nɔ miibolɔ miitsɛ Yehowa, mikɛ migbee miikpa Yehowa fai.

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 36:7

Oo Yehowa, osuɔmɔ ni tsakeee lɛ jara wa naakpa, ni gbɔmɛi abii baa abo yɛ ofiji ashishi hɔ̃ɔŋ lɛŋ.

Lalai 56:1

Oo Naa Nyɔŋmɔ, naa mi mɔbɔ, ejaakɛ mɛi miinaanaa minɔ, henyɛlɔi miihao mi gbi muu fɛɛ.

Lalai 58:1

Nyɛ lumɛi, aso nyɛbuɔ atɛŋ yɛ jalɛ naa lo? Ani nyɛkojoɔ gbɔmɛi abii fɛɛ yɛ jalɛ naa lo?

Lalai 59:1

Oo miNyɔŋmɔ, heremɔ mi yɛ mihenyɛlɔi adɛŋ. Kpɔ̃ mi yɛ mɛi ni teɔ shi woɔ mi lɛ adɛŋ.

Lalai 61:4

Hã mahi obuu lɛŋ kɛya naanɔ, koni mafee shweshweeshwe yɛ ofiji ashishi hɔɔŋ lɛŋ.

Lalai 63:7

ejaakɛ bo ji miyelikɛbualɔ daa, ni ofiji ashishi hɔ̃ɔŋ lɛŋ mala kɛ miishɛɛ yɛ.

Lalai 75:1

Oo Naa Nyɔŋmɔ, wɔmiida bo shi! Wɔmiida bo shi! Ejaakɛ obɛŋkɛ wɔ; wɔgbaa onaakpɛɛ nitsumɔi lɛ.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Lalai 91:1

Mɔ ni hiɔ Ŋwɛinyo lɛ teemɔhe lɛ, ni ehiɔ Ofe lɛ hɔɔŋ lɛ shishi lɛ,

Lalai 91:4

Ekɛ etsɛji aaaha onɔ, ni ooona abobaahe yɛ efiji ashishi. Enɔkwayeli lɛ, tsɛŋ kɛ dama ni.

Lalai 91:9

Ejaakɛ okɛ Yehowa efee ohebulɔ; Ofee Ŋwɛinyo lɛ oteemɔhe,

Yesaia 10:25

Ejaakɛ eshwɛ be fioo, kɛkɛ lɛ mimli ni efu nyɛ lɛ sɛɛ baafo, ni mibatsɔ̃ mlifu lɛ mahã amɛ, ni makpãtã amɛhiɛ.

Yesaia 26:20

Mimaŋbii, nyɛbaa! Mimaŋbii, nyɛbotea nyɛpiai lɛ amli, ni nyɛŋamɔa nyɛshinai lɛ nyɛwoa nyɛyi. Nyɛtea nyɛhe hiŋmɛitswaa fioo ko kɛyaashi Nyɔŋmɔ mlifu lɛ sɛɛ aaafo.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Luka 13:34

Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.

Rut Wolo Lɛ 2:12

Yehowa ato bo nii ni otsu lɛ najiaŋ. Yehowa, Israel Nyɔŋmɔ lɛ, mɔ abo ni obaba nɛɛ ato bo najiaŋ shishiishi.”

1 Samuel 22:1

David shi Gat maŋ lɛ mli, ni ejo foi kɛtee eyahi Adullam tɛkplo lɛ mli. Be ni enyɛmimɛi lɛ kɛ etsɛ we lɛ fɛɛ na le lɛ, amɛtee eŋɔɔ yɛ jɛi.

1 Samuel 24:3

Amɛyashɛ tɛkplo ko he yɛ toi atsui komɛi ahe yɛ gbɛ lɛ nɔ, ni Saul tee niiaŋ yɛ tɛkplo nɛɛ mli. Asomoaŋ David kɛ esɛɛbii lɛ eyatee yɛ tɛkplo kometoo nɛɛ nɔŋŋ sɛɛgbɛ tɔ̃ɔ.

1 Samuel 24:4

Kɛkɛ ni David webii lɛ kɛɛ lɛ akɛ, “Shi ni Yehowa wo bo akɛ, ‘Majie ohenyɛlɔ lɛ mawo odɛ̃ŋ koni ofee lɛ bɔ ni osumɔɔ’ lɛ no eba mli ŋmɛnɛ nɛɛ.” Kɛkɛ ni David te shi, ni etee ni eyafo Saul atade lɛ naabu nigii.

1 Samuel 24:8

Fee sɛɛ lɛ David hu je kpo yɛ tɛkplo lɛ mli, ni eyabo Saul yisɛɛ, ni ekɛɛ lɛ akɛ, “Minuŋtsɔ, Maŋtsɛ!” Be ni Saul fo ehe ni ekwɛ esɛɛ lɛ, David kɛ ehiɛ bu shi ni ekoto Saul,

1 Samuel 26:9

Shi David kɛɛ Abishai akɛ, “Kaakpãtã ehiɛ, ejaakɛ mɔ ko mɔ ko bɛ ni baawo enine nɔ yɛ mɔ ni Yehowa efɔ lɛ mu nɔ ni mɔ lɛ aaaŋɔ ehe aye.”