Lalai 56:8 - ŊMALƐ KRƆŊKRƆŊ LƐ

⁸ Ole bɔ ni mitsomloɔ mihãa, Ole miyaafonu falɛ. Ani aŋmãko yɛ owolo mli lo?

Ṅmãle̱ Kroṅkroṅ Le̱

⁸ Ani ame̱atšṍ nõša no̱ ame̱dšo foi? Nyoṅmo̱, *tšire̱mo̱ mãdši otſia ši ye̱ mlifũ mli! *Lal. 55,24.

Lalai 56:8 ပူးပေါင်းရင်းမြစ်များ

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

Hiob 16:20

Minanemɛi miiye mihe fɛo; shi miifo miitsɔ̃ɔ Nyɔŋmɔ.

Lalai 121:8

Yehowa aaabu okpojee kɛ omlibaa he, kɛjɛ be nɛɛ mli kɛyaashi naanɔ fɛɛ.

Lalai 139:16

Be ni mi ji lá kukuli tete po lɛ, ohiŋmɛi ena mi momo. Wala gbii ni ato ahã mi lɛ, aŋma fɛɛ yɛ owolo lɛ mli dani mije wala shishi tete.

Lalai 39:12

Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yeremia 18:23

Shi Yehowa, bo lɛ ole miyinɔ apam ni amɛyaa lɛ. Okɛ efɔŋ ni amɛfee nɛɛ akafa amɛ; kaaku ohiɛ ofɔ̃ amɛhe eshai lɛ anɔ. Hã abutu amɛ yɛ ohiɛ, ni okɛ amɛ aye be mli ni omli efu lɛ.”

Maleaki 3:16

Kɛkɛ ni maŋbii lɛ ateŋ mɛi ni sheɔ Yehowa gbeyei lɛ kɛ amɛhe wie. Yehowa bo amɛ toi, ni enu nɔ ni amɛtao. Mɛi fɛɛ ni sheɔ Yehowa gbeyei, ni asaŋ amɛjwɛŋɔ egbɛi lɛ hiɛnyamwoo he lɛ aŋmala amɛgbɛii awo wolo mli koni akɛkai amɛ.

Mateo 10:30

Shi nyɛyiteŋtsɔ̃i po lɛ akane fɛɛ.

2 Korintobii 11:26

Mifã gbɛ kpitiokpitio kɛ emli osharãi yɛ fai ahiɛ, emli osharãi yɛ ojotswalɔi adɛŋ, emli osharãi yɛ mijakubii adɛŋ, emli osharãi yɛ jeŋmajiaŋbii adɛŋ, emli osharãi yɛ maŋ, emli osharãi yɛ ŋa nɔ, emli osharãi yɛ ŋshɔ hiɛ, emli osharãi yɛ nyɛmimɛi shiwodudui lɛ ateŋ.

Hebribii 11:13

Hemɔkɛyeli mli mɛnɛɛmɛi fɛɛ gboi yɛ. Shɔŋŋ kɛkɛ amɛna nii ni awo he shi lɛ yɛ ni amɛnya he, tsɛ amɛnine shɛko nɔ, ni amɛjaje akɛ gbɔi kɛ mɛi kpɔ̃ji ji amɛ yɛ shikpɔŋ lɛ nɔ.

Hebribii 11:38

mɛi ni je nɛɛŋ esaaa amɛ lɛ, amɛtsomlo yɛ shiaŋai kɛ gɔji anɔ, kɛ tɛkploi kɛ shikpɔŋ fɔ̃ji amli.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”

1 Samuel 19:18

Be ni David jo foi lɛ eba Samuel ŋɔɔ yɛ Rama, ni ebagba lɛ saji fɛɛ ni Saul kɛye lɛ lɛ. Kɛkɛ ni David kɛ Samuel fɛɛ tee ni amɛyahi Naiot.

1 Samuel 27:1

David kɛɛ ehe akɛ, “Mihiɛ nɛkɛ aahu ni Saul nine aaashɛ minɔ gbi ko, ni eeegbe mi. Nɔ pɛ ni sa mi feemɔ agbɛnɛ ji akɛ majo foi kɛya Filistibii ashikpɔŋ lɛ nɔ. No baahã Saul nijiaŋ aje wui, ni ebaafɔ̃ɔ mi gbɔbimɔ yɛ Israel shikpɔŋ lɛ nɔ, ni maye mihe.”