Lalai 56:4 - ŊMALƐ KRƆŊKRƆŊ LƐ

⁴ Nyɔŋmɔ, mɔ ni daaŋ wiemɔ ni mijieɔ yi lɛ, Lɛ enɔ mikɛ mihiɛ efɔ̃; ni misheee gbeyei. Mɛni gbɔmɔ adesa aaanyɛ mi afee?

Ṅmãle̱ Kroṅkroṅ Le̱

⁴ Be mli ní mi mišeo̱ gbeyei le̱, bo noṅṅ ono̱ mike̱ mihĩe fõo̱.

Lalai 56:4 ပူးပေါင်းရင်းမြစ်များ

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

2 Kronika 20:4

Kɛkɛ ni Yudabii jɛjɛɛ Yuda maji wuji lɛ fɛɛ amli amɛbabua amɛhe naa yɛ Yerusalɛm koni atao Yehowa dɛŋ yelikɛbuamɔ.

Lalai 118:6

Akɛni Yehowa yɛ misɛɛ hewɔ lɛ, misheee gbeyei! Mɛni gbɔmɔ aaanyɛ mi afee?

Lalai 119:160

Owiemɔ tso muu lɛ fɛɛ lɛ, anɔkwale sɔŋŋ ni; ni ojalɛ kojomɔi lɛ fɛɛ hiɔ shi kɛyaa naanɔ.

Lalai 12:6

Yehowa shiwoi lɛ, shiwoi ni yɔɔ krɔŋŋ ni; amɛtamɔ jwiɛtɛi ni aka yɛ shikpɔŋ flɔnɔɔ mli, ni atsuu he nɔtoonɔtoo shii kpawo.

Lalai 138:2

Matsɔ̃ mihiɛ mahã oSɔlemɔ we krɔŋkrɔŋ lɛ, ni makula shi, ni majie ogbɛi lɛ yi, yɛ osuɔmɔ ni tsakeee lɛ kɛ onɔkwayeli lɛ hewɔ; ejaakɛ ohã ogbɛi lɛ kɛ owiemɔ lɛ ehehe fe nɔ fɛɛ nɔ.

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Yesaia 31:3

Ijiptbii lɛ gbɔmɛi adesai kɛkɛ ji amɛ; jeee Nyɔŋmɔ ji amɛ, ni amɛkpɔŋɔi lɛ heloo kɛ lá ni, shi jeee mumɔi ni. Kɛji Yehowa wo enine nɔ lɛ, mɔ ni yeɔ buaa mɔ lɛ aaatɛ, ni mɔ ni ayeɔ abuaa lɛ lɛ hu aaagbee shi, ni amɛ fɛɛ amɛhiɛ aaakpãtã.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yohane 10:35

Kɛji mɛi aŋɔɔ ni Nyɔŋmɔ wiemɔ lɛ ba lɛ tete lɛ etsɛ amɛ nyɔŋmɔi, ni anyɛŋ ŋmalɛ lɛ mli aku lɛ,

Hebribii 13:6

Bɔ ni afee ni wɔna ekãa ni wɔkɛɛ, “Nuŋtsɔ lɛ ji miyelikɛbualɔ, ni misheŋ gbeyei. Mɛni gbɔmɔ aaafee mi?”

1 Samuel 30:6

Sane wulu bakã David nɔ, ni ehe jara lɛ jogbaŋŋ diɛŋtsɛ, ejaakɛ ewebii lɛ kɛɛ amɛbaatswia lɛ tɛ, ejaakɛ mɔ fɛɛ mɔ musuŋ miishã lɛ yɛ ebihii kɛ ebiyei lɛ ahewɔ. Shi Yehowa, David Nyɔŋmɔ lɛ, waje David ni ewo lɛ hewalɛ.