Lalai 53:3 - ŊMALƐ KRƆŊKRƆŊ LƐ

³ Amɛ fɛɛ amɛgba afã, amɛ fɛɛ amɛje amɛŋlɛ nɔ; amɛteŋ mɔ ko kwraa bɛ ni feɔ nɔ kpakpa. Dabida! Mɔ kome nɛkɛ folo bɛ.

Ṅmãle̱ Kroṅkroṅ Le̱

³ Nyoṅmo̱ dše̱o̱ ṅwei kwe̱o̱ gbomei abii, ake̱ eena ake̱ moko ye̱ ní le nii, ni taoo̱ Nyoṅmo̱ se̱gbe̱ lo.

Lalai 53:3 ပူးပေါင်းရင်းမြစ်များ

2 Samuel 20:2

Kɛkɛ ni Israelhii lɛ kpa yɛ David sɛɛ, ni amɛyanyiɛ Bikri bi Sheba sɛɛ. Shi Yudahii lɛ kpɛtɛ amɛmaŋtsɛ lɛ kɛjɛ Yordan naa aahu kɛyashɛ Yerusalɛm.

Hiob 15:16

Te aaafee tɛŋŋ mɔ, ni mɔ ni feɔ musubɔɔnii, asaŋ ni efite adesa ni nifɔɔjianiifeemɔ ji enu ni enuɔ lɛ, ekɛ ehe aaafɔ̃ enɔ lɛ?

Lalai 14:3

Amɛ fɛɛ amɛdu gbɛ, amɛ fɛɛ kwa amɛfite. Mɔ ko mɔ ko bɛ ni feɔ ekpakpa. Dabida, mɔ kome folo nɛkɛ bɛ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 64:6

Wɔ fɛɛ wɔtsɔmɔ tamɔ mɔ ko ni he tseee, ni wɔjalɛ nifeemɔnii lɛ tamɔ takoshwɛ. Wɔnishaianii lɛ ehã wɔfee tamɔ baa gbiŋ, ni kɔɔyɔɔ tswaa wɔ kɛyaa.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

Romabii 3:12

Amɛ fɛɛ amɛgba afã, amɛ blublu amɛhiii amɛhãaa nɔ ko; Mɔ ko mɔ ko bɛ ni feɔ ekpakpa, mɔ kome folo bɛ.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

3 Yohane 1:11

Suɔlɔ, kaakase nɔ ni ji efɔŋ, shi kasemɔ nɔ ni ji ekpakpa moŋ. Mɔ ni feɔ ekpakpa lɛ, ejɛ Nyɔŋmɔ mli; mɔ ni feɔ efɔŋ lɛ, enako Nyɔŋmɔ.

Kpojiemɔ 22:11

Mɔ ni ejaaa lɛ, eya nɔ efee nii ni ejaaa lɛ; ni mɔ ni ji mujiatsɛ lɛ, eya nɔ ewo ehe muji lɛ; ni mɔ ni ji jalɔ lɛ, eya nɔ efee jalɛnii, ni mɔ ni ji mɔ krɔŋkrɔŋ lɛ, eya nɔ ehi krɔŋkrɔŋ.”