Lalai 51:6 - ŊMALƐ KRƆŊKRƆŊ LƐ

⁶ Naa, nɔ ni otaoɔ yɛ midɛŋ ji anɔkwayeli; no hewɔ lɛ, hã male nii yɛ mimligbɛ tɔ̃ɔ.

Ṅmãle̱ Kroṅkroṅ Le̱

⁶ Bo okometō mife eša miši, ni mife efõṅ ye̱ ohĩe, *koni oye bem ye̱ owiemo̱ le̱ mli, ni ohe atše ye̱ okodšomo̱ le̱ mli. *Rom. 3,4. 19.

Lalai 51:6 ပူးပေါင်းရင်းမြစ်များ

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Hiob 32:8

Shi kɛ̃lɛ mumɔ ni yɔɔ adesa mli, Ofe lɛ mumɔ ni ekɛmuɔ lɛ, no hãa enaa jwɛŋmɔ.

Hiob 38:36

Namɔ tsɔ̃ɔ loofɔlɔ ibis be ni Nilo baasraŋ nɔ? Aloo namɔ tsɔ̃ɔ wuɔ nuu akɛ nu baanɛ?

Lalai 125:4

Oo Yehowa, feemɔ mɛi ni hi kɛ mɛi ni ja yɛ amɛtsuii amli lɛ ejurɔ.

Lalai 15:2

Namɔ baaba ejeŋ jogbaŋŋ, ni efeɔ nɔ ni ja, ni ewieɔ anɔkwale kɛ etsuiŋ fɛɛ;

Lalai 26:2

Oo Yehowa, taomɔ mimli ni oka mi okwɛ. Kaa mitsui kɛ mijwɛŋmɔ,

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 41:5

Mihenyɛlɔi lɛ wieɔ mihe kɛ jwɛŋmɔ fɔŋ. Amɛkɛɔ akɛ, “Mɛɛbe eeegbo ni egbɛi aaalaaje kwraa hu!”

Lalai 5:9

Ejaakɛ anɔkwa kome nɛkɛ bɛ amɛdaaŋ; amɛtsuiiaŋ eyi obɔ̃ kɛ fitemɔ; amɛsɛ̃ lɛ gbonyobu ni agbele naa ni; amɛkɛ amɛlilɛi wieɔ dɔkɔbii.

Abe̱i 2:21

Ejaakɛ mɛi ni ja lɛ, amɛaahi shikpɔŋ lɛ nɔ, ni mɛi ni hi kɛwula shi lɛ ji mɛi ni aaashwere yɛ shikpɔŋ lɛ nɔ.

Abe̱i 2:6

ejaakɛ Yehowa hãa aleɔ nii; edaaŋ nilee kɛ niiashishinumɔ jɛɔ.

Yeremia 12:1

Yehowa, kɛji mi kɛ bo taa naa tete lɛ onɔ jaa; kɛ̃lɛ mikɛ mi sane nɛɛ miifɔ̃ ohiɛ. Mɛni hewɔ mɛi fɔ̃ji agbɛ jaa hãa amɛ, ni kutumpɔfoi shwereɔ lɛ?

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Luka 11:39

Ni Nuŋtsɔ lɛ kɛɛ lɛ akɛ, “Nyɛ Farisifoi lɛ nyɛtsumɔɔ kpulu he kɛ kã sɛɛ, shi nyɛmli eyi obɔ̃ kɛ juu kɛ fɔ̃.

Romabii 7:22

Mimligbɛ gbɔmɔ lɛ miishɛɔ yɛ Nyɔŋmɔ Mla lɛ he;

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”