Lalai 51:14 - ŊMALƐ KRƆŊKRƆŊ LƐ

¹⁴ Oo Naa Nyɔŋmɔ, bo miyiwalaheremɔ Nyɔŋmɔ, kpɔ̃ mi kɛjɛ lashishwiemɔ he fɔyeli mli, ni mala waa kɛjaje okpɔ̃mɔ lɛ.

Ṅmãle̱ Kroṅkroṅ Le̱

¹⁴ Oke̱ oyiwalaheremo̱ le̱ he nyã́mo̱ le̱ akũ se̱ ahãmi, ni toibō mumo̱ le̱ amõ mimli!

Lalai 51:14 ပူးပေါင်းရင်းမြစ်များ

1 Mose 42:22

Ruben here amɛ nɔ akɛ, “Ani mikɛɛɛ nyɛ akɛ nyɛkafea gbekɛ lɛ esha ko, ni nyɛbooo toi? No hewɔ lɛ, agbɛnɛ ela shi abiɔ nɛɛ!”

1 Mose 9:6

Mɔ ni shwieɔ gbɔmɔ lá shi lɛ, gbɔmɔ nɔŋŋ aaashwie lɛ hu elá shi kɛ̃ ejaakɛ Nyɔŋmɔ su nɔ Nyɔŋmɔ bɔ gbɔmɔ yɛ.

2 Samuel 12:9

Mɛni hewɔ mɔ ni oku, mi Yehowa, migbee nɔ, ni ofee efɔŋ nɛɛ? Ogbe Uria, Hitnyo lɛ. Ohã Amonbii lɛ gbe lɛ, kɛkɛ ni oŋɔ eŋa lɛ ofee oŋa.

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

2 Samuel 3:28

Be ni fee sɛɛ ni David nu nɔ ni eba lɛ, ekɛɛ akɛ, “Mi kɛ mimaŋtsɛyeli lɛ, wɔyeee Ner bi Abner lá yi sɔ̃ yɛ Yehowa hiɛ kɛmiiya naanɔ.

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Lalai 25:5

Kplamɔ mi kɛnyiɛ onɔkwale lɛ mli, ni otsɔ̃ɔ mi nii; ejaakɛ bo ji miyiwalaheremɔ Nyɔŋmɔ lɛ. Bo onɔ mihiɛ kã daa nɛɛ.

Lalai 26:9

Kaakpãtã mihiɛ oshi eshafeelɔi anɔ, ni kaakpãtã miwala hiɛ ofata láshishwielɔi ahe.

Lalai 35:28

Kɛkɛ lɛ, majaje ojalɛ lɛ, ni majie oyi daa nɛɛ.

Lalai 38:22

Oo Nuŋtsɔ, miyiwalaherelɔ, ofainɛ, ba mramra ni obaye obua mi.

Lalai 55:23

Shi, ao, bo Nyɔŋmɔ, obaashɛrɛ amɛ oshwie bu kwɔŋkwɔŋ lɛ mli. Mɔgbelɔi kɛ kutumpɔfoi lɛ, amɛyeŋ amɛwala gbii amli fã tete. Shi, mi lɛ, bo onɔ maŋɔ mihiɛ mafɔ̃.

Lalai 68:20

WɔNyɔŋmɔ lɛ, Nyɔŋmɔ ni hereɔ mɔ yiwala ni. Lɛ ji Yehowa, wɔNuŋtsɔ, ni hereɔ wɔ kɛjɛɔ gbele mli lɛ.

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Ezekiel 33:8

Kɛji mikɛɛ efɔŋfeelɔ akɛ, ‘Bo efɔŋfeelɔ, gbo ooogbo!’ Ni owieee obɔɔɔ efɔŋfeelɔ lɛ kɔkɔ koni ekpale kɛje egbɛ fɔŋ lɛ nɔ lɛ; nakai efɔŋfeelɔ lɛ, eeegbo yɛ enishaianii lɛ ahewɔ moŋ nɛ, shi mabi elá shi yɛ odɛ̃ŋ.

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Daniel 9:7

Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

Hosea 4:2

Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Habakuk 3:18

Kɛ̃lɛ mi lɛ mibanya, ni mimli aaafli mi yɛ Yehowa miyiwalaheremɔ Nyɔŋmɔ lɛ mli.

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

Bɔfoi 20:26

No hewɔ lɛ, ŋmɛnɛ gbi nɛɛ miiye odase miitsɔ̃ɔ nyɛ, akɛ miyeee nyɛteŋ mɔ ko mɔ ko lá yi sɔ̃;

Romabii 10:3

Ejaakɛ amɛleee Nyɔŋmɔ jalɛ lɛ, shi amɛ diɛŋtsɛ amɛjalɛ moŋ amɛtaoɔ amɛkɛma shi, hewɔ lɛ amɛbaaa amɛhe shi amɛhãaa Nyɔŋmɔ jalɛ lɛ.