Lalai 51:10 - ŊMALƐ KRƆŊKRƆŊ LƐ

¹⁰ Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Ṅmãle̱ Kroṅkroṅ Le̱

¹⁰ Hã manu nyã́mo̱ ke̱ mīše̱ he, ko-ni wui ni okũmo le̱ amli afliame̱. Lal. 32,3. 4.

Lalai 51:10 ပူးပေါင်းရင်းမြစ်များ

Lalai 24:4

Mɛi ni amɛdɛŋ bɛ esha ko ni amɛtsuii amli tse. Mɛi ni kɛ amɛgbɔmɔtsei hãaa yakayaka nifeemɔ, ni amɛkãaa amale kitã.

Lalai 35:10

Migbɔmɔtso muu lɛ fɛɛ aaakɛɛ akɛ, “Oo Yehowa, namɔ tamɔ bo, bo mɔ ni ohereɔ gbɔjɔlɔi kɛjɛɔ mɛi ni he wawaa fe amɛ lɛ adɛŋ; ni ohereɔ gbedelɔi kɛ ohiafoi kɛjeɔ mɛi ni yeɔ amɛ amim lɛ adɛŋ.”

Lalai 73:1

Lɛɛlɛŋ, Nyɔŋmɔ hi hã Israel; ehi ehã mɛi ni atsuiiaŋ tse lɛ.

Lalai 78:37

Amɛnyɛɛɛ amɛfi shi kɛye lɛ anɔkwa, amɛyeee ekɛ amɛteŋ kpãŋmɔ lɛ mli anɔkwa.

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

Abe̱i 20:9

Namɔ aaanyɛ akɛɛ akɛ, “Mi lɛ, mitsuu mitsui he, ni esha ko be mihe?”

Yeremia 13:27

Mina nii ni mihiɔ ni ofeɔ lɛ, kɛ misɛɛ ni ojeɔ ni oyajaa nyɔŋmɔi krokomɛi lɛ, kɛ onyɛnyɛŋtswi ni obɔɔ lɛ, kɛ ajwamãŋ ni obɔɔ nyaŋemɔnyaŋemɔ yɛ ŋa nɔ gɔ̃ŋkpɔi lɛ anɔ lɛ. Kpoo hã bo, bo Yerusalɛm! Mɛɛbe abaakã he atsuu ohe kɛyashi?”

Yeremia 32:39

Mahã amɛna jwɛŋmɔ koome kɛ jeŋba koome, bɔ ni afee ni amɛshe mi gbeyei kɛya naanɔ, bɔ ni afee ni ahi ahã amɛ kɛ amɛbii ni baa yɛ amɛsɛɛ lɛ.

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Ezekiel 18:31

Nyɛkpaa efɔŋ fɛɛ efɔŋ ni nyɛfee nyɛshi mi lɛ feemɔ, ni nyɛtsakea nyɛtsuiiaŋ ni nyɛnaa mumɔ hee. Ao, Israelbii, shi mɛɛba ni nyɛaagboi?

Ezekiel 36:37

“Bɔ ni Nuŋtsɔ Yehowa kɛɔ nɛ, mahã Israel we lɛ abi mi enɛ hu ni mafee mahã amɛ; no ji akɛ mahã amɛyi afa tamɔ toiku.

Mateo 5:8

“Ajɔɔ mɛi ni tsuii amli tse lɛ; shi amɛaana Nyɔŋmɔ.”

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Yakobo 1:8

jwɛŋmɔi enyɔnyɔɔnyɔtsɛ ko fiii shi yɛ egbɛ ko gbɛ ko nɔ.

Yoshua 14:14

No hewɔ lɛ, Hebron tsɔ̃ Kaleb, Yefune, Keniznyo lɛ bi lɛ, gbɛfaŋ nɔ kɛbashi ŋmɛnɛ, ejaakɛ ebo Yehowa, Israel Nyɔŋmɔ lɛ, toi kɛwula shi.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.