Lalai 50:1 - ŊMALƐ KRƆŊKRƆŊ LƐ

¹ Nyɔŋmɔ, Yehowa Ofe lɛ, miiwie, ni eetsɛ shikpɔŋ lɛ kɛmiijɛ hulu shiteehe kɛyaashi eshinyɔɔhe.

Ṅmãle̱ Kroṅkroṅ Le̱

¹ *Asaf lala. *1 Kron. 25,1. Iehowa Nyoṅmo̱ Mawu miwie, ni ētšé̱ šikpoṅ le̱ ke̱-dše̱ hũlũ dšēhe ke̱-yaši ešinyõ mli.

Lalai 50:1 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

1 Kronika 15:17

No hewɔ lɛ, Levibii lɛ famɔ Heman, Yoel bi lɛ, kɛ ewekunyo Asaf, Berekia bi lɛ, kɛ Etan, Kushaia bi lɛ hu yɛ Meraribii lɛ ateŋ;

1 Kronika 16:37

Kɛkɛ ni David shi Asaf kɛ enyɛmimɛi Levibii lɛ yɛ he ni Yehowa Kpãŋmɔ Adeka lɛ yɔɔ lɛ ni amɛkwɛ jamɔ ni ajaa yɛ he ni Kpãŋmɔ Adeka lɛ yɔɔ lɛ nɔ daa, bɔ ni gbi fɛɛ gbi nɔ jamɔ heɔ.

1 Kronika 25:2

Asaf bihii ejwɛ lɛ: Zakur kɛ Yosef kɛ Netania kɛ Asharela. Amɛyɛ amɛtsɛ Asaf shishi. Lɛ lɛ eyɛ maŋtsɛ lɛ he, ni egbaa Nyɔŋmɔ dɛŋ wiemɔ etsɔ̃ɔ maŋtsɛ lɛ.

1 Kronika 25:6

Heman bii nɛɛ fɛɛ yɛ lɛ eshishi, ni amɛtswaa ŋmɛji kɛ obentai yɛ Yehowa we amɛkɛwaa jamɔ lɛ yɛ Nyɔŋmɔ We lɛ mli. Shi Asaf kɛ Yedutun kɛ Heman lɛ, amɛ fɛɛ amɛyɛ maŋtsɛ lɛ shishi.

1 Kronika 6:24

kɛ Tahat kɛ Uriel kɛkɛ lɛ Uzia kɛ Shaul.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Lalai 113:3

Esa akɛ ajie Yehowa gbɛi lɛ yi kɛjɛ hulu shiteehe aahu kɛyaashi eshinyɔɔhe!

Lalai 73:1

Lɛɛlɛŋ, Nyɔŋmɔ hi hã Israel; ehi ehã mɛi ni atsuiiaŋ tse lɛ.

Lalai 74:1

Oo, Naa Nyɔŋmɔ, mɛɛba oshɛrɛ wɔ oshwie kwraa nɛkɛ? Mɛɛba omlifu lɛ jɛleɔ woɔ olɛɛhe lɛ toi nɛɛ?

Lalai 75:1

Oo Naa Nyɔŋmɔ, wɔmiida bo shi! Wɔmiida bo shi! Ejaakɛ obɛŋkɛ wɔ; wɔgbaa onaakpɛɛ nitsumɔi lɛ.

Lalai 76:1

Ale Nyɔŋmɔ yɛ Yuda! Egbɛi tsii yɛ Israel.

Lalai 77:1

Mibolɔɔ waa mitsɛɔ Nyɔŋmɔ, mitsɛɔ Nyɔŋmɔ waa akɛ ebo mi toi!

Lalai 78:1

Oo mimaŋ, nyɛboa mitsɔ̃ɔmɔi lɛ atoi; nyɛfea toi nyɛhãa midaaŋ wiemɔi lɛ!

Lalai 79:1

Oo Naa Nyɔŋmɔ, jeŋmajiaŋbii ebabote oshikpɔŋ lɛ nɔ; amɛbule oSɔlemɔ we krɔŋkrɔŋ lɛ, ni amɛfee Yerusalɛm koikoi.

Lalai 80:1

Oo Israel Kpalalɔ, bo toi! Bo ni okpala Yosef tamɔ tooku, Bo ni ota kerubim anɔ, baajie ohe shi faŋŋ otsɔ̃ɔ.

Lalai 81:1

Nyɛlaa waa nyɛhãa Nyɔŋmɔ mɔ ni ji wɔhewalɛ lɛ; nyɛbɔa oshe kɛ nyamɔ nyɛhãa Yakob Nyɔŋmɔ lɛ!

Lalai 82:1

Naa Nyɔŋmɔ ta ŋwɛi gwabɔɔ wulu lɛŋ; eta nyɔŋmɔi lɛ ateŋ eekojo.

Lalai 83:1

Oo Naa Nyɔŋmɔ, kaafee dioo! Kaamua onaa, ni kaafee kpoo, Naa Nyɔŋmɔ!

Yesaia 1:2

Yehowa kɛɛ akɛ, “Ŋwɛi, bo toi, ni shikpɔŋ bo hu feemɔ toi, ejaakɛ mi Yehowa, miiwie. Milɛ bii ni amɛdara, shi amɛ lɛ, amɛtse mihiɛ atua.

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 25:32

ni aaabua jeŋmaji lɛ fɛɛ anaa yɛ ehiɛ, ni eeegbala amɛmli tamɔ bɔ ni tookwɛlɔ gbalaa gwantɛŋi kɛ abotiai amli lɛ.

Yoshua 22:22

“Ofe Koome, Nyɔŋmɔ Yehowa lɛ, lɛ ele wɔyitsoŋ eto, nɔ̃ hewɔ ni wɔfee nakai; no hewɔ lɛ, Israel hu ana ale. Kɛji Yehowa hiɛ atua ni wɔtse, aloo ŋmɛɛmɔ ni wɔŋmɛɛ hemɔkɛyeli ni wɔyɔɔ yɛ emli lɛ he, hewɔ ni wɔfee nɔ ni wɔfee nɛɛ lɛ, nyɛkɛ wɔhe akakea wɔ ŋmɛnɛ gbi nɛɛ,