Lalai 5:6 - ŊMALƐ KRƆŊKRƆŊ LƐ

⁶ Okpãtãa amalelɔi ahiɛ. Lashishwielɔi kɛ shishiulɔi lɛ Yehowa miihi amɛ.

Ṅmãle̱ Kroṅkroṅ Le̱

⁶ Hepupūlo̱i damo̱ṅ ši ye̱ ohĩe; onye̱o̱ mei fè ni tšuo̱ nišaianii.

Lalai 5:6 ပူးပေါင်းရင်းမြစ်များ

1 Mose 34:14

Yakob bii lɛ kɛɛ Shekem kɛ etsɛ Hamor akɛ, “Wɔnyɛŋ nɛkɛ nɔ ko wɔfee ni wɔkɛ wɔnyɛmi yoo ahã mɔ ko ni ji foolɔ ejaakɛ no lɛ wɔto kpa.

2 Samuel 16:8

Yehowa miiwo bo Saul wekumɛi alá shi ni oshwie lɛ fɛɛ he nyɔmɔ. Obashɔ̃ maŋtsɛyeli lɛ yɛ Saul dɛŋ, ni Yehowa hu eshɔ̃ ekɛhã obinuu Absalom. Bɛ ona akɛ gbɔmɔgbelɔ ni oji hewɔ lɛ ohiɛ ekpãtã?”

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

Lalai 11:5

Yehowa kaa jalɔ kɛ mɔ fɔŋ fɛɛ ekwɛɔ, shi yiwalɔ lɛ, Yehowa miihi lɛ.

Lalai 4:2

Nyɛ gbɔmɛi adesai, mɛɛ beyinɔ nyɛaagbe minunyam lɛ he guɔ kɛyaashi? Shii enyiɛ nɔŋŋ ni nyɛaasumɔ yakanii ni nyɛaatao amale sɛɛgbɛ?

Lalai 43:1

Oo Nyɔŋmɔ, ye misane lɛ ohã mi; ni obu mi bem. Fã mihe yɛ maŋbii ni sheee bo gbeyei lɛ adɛŋ. Jiemɔ mi yɛ shishiulɔi kɛ mɛi ni yeee anɔkwa lɛ adɛŋ!

Lalai 55:23

Shi, ao, bo Nyɔŋmɔ, obaashɛrɛ amɛ oshwie bu kwɔŋkwɔŋ lɛ mli. Mɔgbelɔi kɛ kutumpɔfoi lɛ, amɛyeŋ amɛwala gbii amli fã tete. Shi, mi lɛ, bo onɔ maŋɔ mihiɛ mafɔ̃.

Yesaia 26:21

Ejaakɛ, naa, Yehowa miije kpo kɛmiijɛ eshihilɛhe lɛ koni ebagbala je lɛ mli bii atoi yɛ amɛnishaianii lɛ ahewɔ, ni shikpɔŋ lɛ aaajie lá shi ni ashwie yɛ enɔ lɛ etsɔ̃ɔ, ni ehaŋ mɛi ni agbe yɛ enɔ lɛ anɔ dɔŋŋ.”

Romabii 1:29

mɛi ni eyimɔ obɔ̃bɔ̃ kɛ nii ni ejaaa gbɛ fɛɛ, efɔŋfeemɔ, hiɛjoomɔ, nifɔɔjianii; amɛyimɔ tɔ kɛ hetsɛ̃, awuyeli, bei, shishiumɔ, nyɛɛ;

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.