Lalai 47:9 - ŊMALƐ KRƆŊKRƆŊ LƐ

⁹ Maji lɛ amli lumɛi lɛ ebua amɛhe naa kɛba; ni amɛbatsɔ̃mɔ Abraham Nyɔŋmɔ lɛ webii. Ejaakɛ shikpɔŋ lɛ nɔ tawuu nibii lɛ, Naa Nyɔŋmɔ nɔ ni. Awo enɔ gojoo.

Ṅmãle̱ Kroṅkroṅ Le̱

⁹ Nyoṅmo̱ yeo̱ dšeṅmãdši le̱ ano̱ maṅtše̱, Nyoṅmo̱ tá emaṅtše̱sẽi kroṅkroṅ le̱ no̱.

Lalai 47:9 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

Lalai 97:9

Ejaakɛ Yehowa, bo ji Ofe, mɔ ni kwɔ fe nɔ fɛɛ nɔ yɛ shikpɔŋ lɛ nɔ. Awo onɔ gojoo kɛteke nyɔŋmɔi lɛ fɛɛ.

2 Mose 3:15

Asaŋ Nyɔŋmɔ kɛɛ, “Okɛɛ Israelbii lɛ akɛ, ‘Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ji mɔ ni tsu mi nyɛŋɔɔ nɛɛ. Migbɛi kwraa nɛ kɛmiiya naanɔ, ni no yinɔi fɛɛ kɛtsɛ mi.’

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

Abe̱i 30:5

Nyɔŋmɔ wiemɔ fɛɛ wiemɔ lɛ, anɔkwale ni; Nyɔŋmɔ ji tsɛŋ kɛhã mɛi ni baa lɛ abo lɛ.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Mateo 22:32

‘Mi lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi lɛ?’ Nyɔŋmɔ lɛ jeee gbohii aNyɔŋmɔ ni, shi moŋ hiɛkãalɔi aNyɔŋmɔ ni.”

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Galatabii 3:29

Shi kɛji Kristo nii ji nyɛ lɛ, belɛ Abraham shwiei ji nyɛ, kɛ gboshiniiyelɔi hu yɛ shiwoo lɛ naa.