Lalai 47:1 - ŊMALƐ KRƆŊKRƆŊ LƐ

¹ Nyɛ maji fɛɛ tswɛm, nyɛtswaa nyɛdɛ̃; nyɛkɛ nyamɔ lala abɔa oshe waa ahãa Nyɔŋmɔ.

Ṅmãle̱ Kroṅkroṅ Le̱

¹ Korabii le̱ alala ni ake̱-hã lalatše̱ nu kpa le̱.

Lalai 47:1 ပူးပေါင်းရင်းမြစ်များ

2 Samuel 6:15

Lɛ kɛ Israel maŋ muu fɛɛ kɛ oshebɔɔ kɛ tɛtɛrɛmantɛrɛ yawo Kpãŋmɔ Adeka lɛ.

2 Maŋtsɛmɛi 11:12

Kɛkɛ ni Yehoiada jie maŋtsɛ bi, Yoash, lɛ kɛje kpo, ni ekɛ maŋtsɛ akekre lɛ fi lɛ, ni eŋɔ kpãŋmɔ wolo ni maŋtsɛyeli he mlai yɔɔ mli lɛ ewo edɛŋ; ni amɛwo lɛ maŋtsɛ, ni amɛfɔ lɛ mu; ni maŋbii lɛ tswatswaa amɛdɛ̃, ni amɛkɛɛ, “Maŋtsɛ yi ana wala!”

2 Kronika 13:15

kɛkɛ ni Yudabii lɛ bɔ oshe. Abia kɛ Yudabii lɛ fã kɛyatua Israelbii lɛ yɛ oshebɔɔ lɛ mli, ni Nyɔŋmɔ ye Yeroboam kɛ Israelbii lɛ anɔ kunim.

Lalai 106:47

Oo Yehowa, wɔNyɔŋmɔ, heremɔ wɔyiwala; ni obua wɔnaa kɛjɛ majimaji lɛ anɔ kɛba, koni wɔda bo shi, ni wɔjie ogbɛi krɔŋkrɔŋ lɛ yi.

Lalai 42:1

Bɔ ni ofrote shweɔ faa ni hoɔ lɛ, nakai nɔŋŋ misusuma shweɔ bo, Naa Nyɔŋmɔ.

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

Lalai 47:5

Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

Lalai 98:4

Je lɛ fɛɛ, nyɛbɔa oshe kɛ miishɛɛ nyɛhãa Yehowa; nyɛlaa miishɛɛ lalai, nyɛlaa yijiemɔ lalai!

Lalai 98:8

Fai atswa amɛdɛ̃, ni gɔji bluublu ala kɛ miishɛɛ yɛ Yehowa hiɛ;

Yesaia 55:12

“Ejaakɛ nyɛbaashi Babilon kɛ nyamɔ, ni aaakpala nyɛ kɛshi yɛ toiŋjɔlɛ mli. Gɔji lɛ kɛ gɔŋkpɔi lɛ aaawo nyamɔ lala nɔ yɛ nyɛhiɛ, ni ŋa nɔ tsei lɛ fɛɛ aaatswa amɛdɛ̃ kɛ miishɛɛ.

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Zefania 3:14

Zion biyoo, la nyamɔ lala waa! Israel, bɔɔ oshe! Yerusalɛm biyoo, nya; omli afili bo kɛ otsui fɛɛ!

Zakaria 4:7

Shi bo gɔŋ kpeteŋkple, mɛni mli oyɔɔ? Obaatsɔ ŋa kplanaa yɛ Zerubabel hiɛ. Ebaakɔ oyiteŋ tɛ lɛ diɛŋtsɛ kɛba, ni aaabɔ oshe kɛaaba akɛ, “Dromɔ, dromɔ naa sɔŋŋ kɛkɛ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

1 Samuel 10:24

Kɛkɛ ni Samuel kɛɛ maŋbii lɛ fɛɛ akɛ, “Bɛ nyɛna mɔ ni Yehowa eŋɔ lɛ? Mɔ ko mɔ kɔ kɛ lɛ yeee egbɔ yɛ maŋbii lɛ fɛɛ ateŋ.”