Lalai 42:2 - ŊMALƐ KRƆŊKRƆŊ LƐ

² Misusuma miiye bo Nyɔŋmɔ ni ji Nyɔŋmɔ hiɛkãalɔ lɛ he kumai. Te be po ni maba, ni mabana Nyɔŋmɔ hiɛ hu?

Ṅmãle̱ Kroṅkroṅ Le̱

² Bo̱ni ofrote ſeo̱ fāi le̱, nakai misusuma ſeo̱ bo, Nānyoṅmo̱.

Lalai 42:2 ပူးပေါင်းရင်းမြစ်များ

Hiob 23:3

Oo, mile he ni mana lɛ yɛ kulɛ maya esɛi lɛ hiɛ tɔ̃ɔ.

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Lalai 43:4

Kɛkɛ lɛ maya Nyɔŋmɔ afɔleshãa latɛ lɛ he; maya Nyɔŋmɔ ni hãa mi miishɛɛ kpeteŋkple lɛ ŋɔɔ; ni matswa saŋku mikɛaajie oyi. Oo Nyɔŋmɔ, miNyɔŋmɔ.

Lalai 63:1

Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

Lalai 63:3

Osuɔmɔ ni tsakeee ni hi fe wala tete po hewɔ lɛ makafo bo.

Lalai 84:10

Gbi kometoo shihilɛ yɛ oSɔlemɔ we lɛ, ehi fe gbii akpe ni aaaye yɛ he kroko. Masumɔ matsɔ̃ shinaa naabulɔ yɛ miNyɔŋmɔ lɛ we lɛ, fe nɔ ni mahi efɔŋfeelɔi awe mli.

Lalai 84:2

Misusuma hiɛ miitse Yehowa kpoi lɛ anɔ; hiɛtselɛ lɛ hãa misusuma tɔɔ biti po. Mikɛ mitsui kɛ migbɔmɔtso fɛɛ laa kɛ miishɛɛ hãa Nyɔŋmɔ hiɛkãalɔ lɛ.

Lalai 84:4

kwɛ bɔ ni mɛi ni hiɔ owe lɛ yɔɔ miishɛɛ hã, ni amɛlaa daa kɛjieɔ oyi.

Lalai 84:7

Amɛnyiɛɔ ni amɛhewalɛ nɔ gbɔɔɔ; amɛyanaa nyɔŋmɔi amli Nyɔŋmɔ lɛ yɛ Zion.

2 Mose 23:17

Daa afi lɛ nyɛteŋ nuu fɛɛ nuu abaja Nuŋtsɔ Nyɔŋmɔ lɛ shii etɛ̃ yɛ nɛkɛ gbii juji etɛ̃ nɛɛ anɔ.

Yesaia 26:8

Yehowa, wɔmiikwɛ bo gbɛ yɛ okojomɔi lɛ amli; wɔmiishwe ogbɛ́i ni kaiɔ wɔ saji lɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 7:37

Shi naagbee gbi ni ji gbii juji lɛ ateŋ gbi wulu lɛ nɔ lɛ, Yesu yadamɔ shi ni ebo ekɛɛ, “Kɛji kumai miiye mɔ ko lɛ, eba miŋɔɔ ni ebanu nu.

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Yoshua 3:10

Be ni maŋbii lɛ tsi ba lɛ, Yoshua kɛɛ amɛ akɛ, “Enɛ nyɛkɛaale akɛ Nyɔŋmɔ hiɛkãalɔ lɛ yɛ nyɛteŋ, ni akɛ shwiemɔ eeeshwie Kanaanbii lɛ kɛ Hitbii lɛ kɛ Hivbii lɛ kɛ Perizbii lɛ kɛ Girgashbii lɛ kɛ Amorbii lɛ kɛ Yebusbii lɛ kɛaaje nyɛhiɛ.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.