Lalai 41:13 - ŊMALƐ KRƆŊKRƆŊ LƐ

¹³ Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ. Amen! Amen!

Ṅmãle̱ Kroṅkroṅ Le̱

¹³ Ni mi le̱, ohĩe mimli ye̱ mimūyeli le̱ mli, ni oke̱mi edamo̱ ohĩe ke̱-mīya nāno̱.

Lalai 41:13 ပူးပေါင်းရင်းမြစ်များ

1 Maŋtsɛmɛi 1:36

Kɛkɛ ni Benaia kɛɛ, “Amen! Yehowa, minuŋtsɔ maŋtsɛ Nyɔŋmɔ lɛ, ahã aba mli nakai!

1 Kronika 16:36

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ!” Kɛkɛ ni maŋ muu lɛ fɛɛ here nɔ amɛkɛɛ, “Amen!” Ni amɛ jie Yehowa yi.

1 Kronika 29:10

Kɛkɛ ni Maŋtsɛ David jie Yehowa yi yɛ asafo muu lɛ fɛɛ hiɛ ekɛɛ akɛ, “Aaajie oyi, Bo Yehowa, ni ji wɔtsɛ Yakob Nyɔŋmɔ lɛ, kɛjɛ naanɔ kɛyashi naanɔ.

Lalai 106:48

Yijiemɔ ahã Yehowa Israel Nyɔŋmɔ lɛ, kɛjɛ naanɔ kɛyashi naanɔ; ni maŋ muu lɛ fɛɛ akɛɛ akɛ, “Amen!” Nyɛjiea Yehowa yi!

Lalai 147:6

Yehowa woɔ heshibalɔi anɔ, shi yiwalɔi lɛ etsirɛɔ amɛ etswiaa shi.

Lalai 150:6

Nyɛhãa nɔ fɛɛ nɔ ni muɔ ajiea Yehowa yi! Nyɛjiea Yehowa yi!

Lalai 89:52

Yijiemɔ ahã Yehowa kɛya naanɔ! Amen! Amen!

Yeremia 28:6

ni mikɛɛ lɛ akɛ, “Amen! Yehowa aaafee nakai. Yehowa ahã ogbalɛ ni ogba nɛɛ aba mli akɛ ebaaŋɔ Yehowa Sɔlemɔ we lɛ mli nibii lɛ kɛ nomii lɛ fɛɛ kɛjɛ Babilon kɛba biɛ nɛɛ ekoŋŋ.

4 Mose 5:22

Kɛji nɛkɛ nu nɛɛ ni gbalaa loomɔ kɛbaa lɛ bote omli lɛ, ehã omusu afũu, ni oyoohe abɛ.’ ” Yoo lɛ ahere osɔfo lɛ nɔ akɛ, “Amen. Amen!”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

1 Korintobii 14:16

Ejaakɛ kɛ okɛ mumɔ miijɔɔ lɛ, te aaafee tɛŋŋ ni mɔ ni leee mli eko lɛ aahere oshidaa lɛ nɔ akɛ “Amen”, akɛni eleee nɔ ni okɛɔ lɛ?

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 22:20

Mɔ ni yeɔ nɛkɛ nii nɛɛ he odase lɛ miikɛɛ akɛ, ‘Hɛɛ, miiba nɔŋŋ!’ ” Amen! Ba, Nuŋtsɔ Yesu!

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Kpojiemɔ 7:12

amɛkɛɛ, “Amen! Jɔɔmɔ kɛ anunyam kɛ nilee kɛ shidaa kɛ woo kɛ hewalɛ kɛ nyɛmɔ ahã wɔNyɔŋmɔ lɛ kɛya naanɔi anaanɔ. Amen!”