Lalai 41:1 - ŊMALƐ KRƆŊKRƆŊ LƐ

¹ Ajɔɔ mɔ ni jwɛŋɔ ohiafo he; gbi fɔŋ nɔ lɛ, Yehowa aaahere lɛ.

Ṅmãle̱ Kroṅkroṅ Le̱

¹ David lala ni eke̱-hã lalatše̱ nukpa le̱.

Lalai 41:1 ပူးပေါင်းရင်းမြစ်များ

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Lalai 34:19

Jalɔ naa amanehulu babaoo, shi Yehowa jieɔ lɛ kɛjɛɔ fɛɛ mli.

Lalai 37:19

Fimɔ bei amli lɛ, amɛhiɛ gboŋ, ni hɔmɔ bei amli hu lɛ, amɛaatɔrɔ.

Lalai 37:26

Ehãa mɔ nɔ daa nɛɛ, ni efaa mɔ nɔ, ni eshwiei tsɔ̃ɔ jɔɔmɔ.

Abe̱i 14:21

Mɔ ni nyaŋeɔ enaanyo lɛ, eshafeelɔ ni; shi mɔ ni feɔ ohiafo ekpakpa lɛ ajɔɔ lɛ.

Abe̱i 16:14

Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Jajelɔ 12:1

Kaimɔ obɔlɔ lɛ yɛ oblahiiaŋ, be ni gbii fɔ̃ji lɛ kɛ afii fɔ̃ji lɛ nako ashɛ, be mli ni obaakɛɛ akɛ, “Jeŋshihilɛ eŋɔɔɔ” lɛ.

Yeremia 39:17

Shi, mi Yehowa, miikɛɛ akɛ mibahere oyiwala yɛ nakai gbi lɛ nɔ, ni aŋɔŋ bo awoŋ hii ni osheɔ amɛ gbeyei lɛ adɛŋ;

Marko 14:7

Ejaakɛ ohiafoi lɛ nyɛkɛ amɛ yɛ daa, ni be fɛɛ be ni nyɛsumɔɔ lɛ nyɛaanyɛ amɛ ejurɔ nyɛfee; shi mi lɛ jeee daa mikɛ nyɛ aaahi shi.

Bɔfoi 20:35

Mikɛ fɛɛ tsɔ̃ɔ nyɛ akɛ nakai sa akɛ atsu nii ni akɛye abua mɛi ni bɛ hewalɛ, ni akai Nuŋtsɔ Yesu wiemɔi ni lɛ diɛŋtsɛ ewie lɛ akɛ, ‘Nɔhãmɔ mli yɛ jɔɔmɔ fe hemɔ.’ ”

Galatabii 2:10

shi ohiafoi kɛkɛ amɛkɛɛ wɔkai, ni no nɔŋŋ he mɔdɛŋ mibɔ akɛ mafee.

1 Tesalonikabii 5:14

Ni wɔmiikpa nyɛ fai, anyɛmimɛi, nyɛwiea nyɛtsɔ̃a hejɔ̃lɔi lɛ, nyɛwoa gbeyelɔi lɛ ekãa; nyɛwaa mɛi ni yɔɔ gbedee lɛ; nyɛtoa nyɛtsui shi nyɛhãa mɛi fɛɛ.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.

Rut Wolo Lɛ 2:19

Kɛkɛ ni Naomi bi Rut akɛ, “Nɛgbɛ oyatsu nii yɛ? Namɔ ŋmɔshi otee oyaye kpɛkpɛo lɛ yɛ ŋmɛnɛ? Mɔ ni tse ehiɛ ehã bo lɛ, aaajɔɔ lɛ.” Rut gba eshaayoo lɛ mɔ ŋɔɔ ni eyatsu nii yɛ ekɛɛ, “Nuu ni miyatsu nii yɛ eŋɔɔ ŋmɛnɛ lɛ gbɛi ji Boaz.”