Lalai 4:3 - ŊMALƐ KRƆŊKRƆŊ LƐ

³ Nyɛnaa nyɛlea akɛ Yehowa eŋɔ jalɔ lɛ ehã ehe; hewɔ lɛ kɛ́ mitsɛ lɛ lɛ, eboɔ mi toi.

Ṅmãle̱ Kroṅkroṅ Le̱

³ Nye hĩĩabii, mẽ beyino̱ ni aagbe minumnyam le̱ he guo̱, ni nyeasumo̱ yakanii, ni nyeatao amale se̱gbe̱ hũ ke̱-yaši? (Sela.)

Lalai 4:3 ပူးပေါင်းရင်းမြစ်များ

Lalai 31:23

Nyɛsumɔa Yehowa, nyɛ hetselɔi fɛɛ. Yehowa baa anɔkwafoi ayi, shi henɔwolɔi lɛ, ewoɔ amɛ nyɔmɔ babaoo.

Lalai 34:15

Yehowa hiŋmɛi kã jalɔi ahe, ni efeɔ toi ehãa amɛblɔmɔi.

Lalai 49:3

Nilee wiemɔ baajɛ midaaŋ; mitsuiŋ susumɔ lɛ niiashishinumɔ ni.

Lalai 50:5

Ekɛɛ akɛ, “Nyɛbuaa mimɛi anɔkwafoi lɛ anaa nyɛhãa mi; mɛi ni etsɔ̃ afɔle nɔ amɛkɛ mi ekpãŋ lɛ.

Lalai 56:9

Gbi ni mibabolɔ matsɛ bo lɛ, mihenyɛlɔi lɛ baaku amɛsɛɛ; mile krɛdɛɛ akɛ bo, Nyɔŋmɔ, oyɛ misɛɛ.

Lalai 6:8

Nyɛjea minɔ nyɛyaa, nyɛ mɛi fɛɛ ni nyɛtsuɔ nifɔɔjianii lɛ; ejaakɛ Yehowa enu miyaafo gbee lɛ.

Lalai 62:10

Nyɛkɛ nyɛhiɛ akafɔ̃a amimyeli nɔ; nyɛyitsei hu akafũa yɛ juukɛfɔ̃ nibii agbɛfaŋ. Kɛji nii ni nyɛna miifa tete lɛ, nyɛkɛ nyɛtsuii akafɔ̃a nɔ.

2 Mose 33:16

ejaakɛ mɛni aaatsɔ̃ɔ akɛ oyɛ mi kɛ omaŋ nɛɛ he miishɛɛ akɛ ja tee ni okɛ wɔ aaatee lɛ, bɔ ni afee ni ana akɛ soro wɔ, ni ji mi kɛ omaŋ lɛ, yɛ maji fɛɛ ni yɔɔ shikpɔŋ lɛ nɔ lɛ ateŋ.”

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;